منقولة بعد إذن الشاعر ,,
&&&&&&&&&&
لست كثير المدح ..
ولكنني أصف أفعال الطيبين .. التي أكون شاهدا عليها .. وإن لم أكن أحد
المستفيدين منها
أقول مره :
إليا مدحت الطيبين المشاكيل=شهودهم قبل الكلام .. الفعالي
أمثال أكرمها عن القال والقيل=مابي لها مكسب .. ولا رأس مالي
ومجري بن الحميدي السبيعي .,. رجل يستحق المدح ,,
أهدي له بفخر .. هذه الأبيات المتواضعه ,,
رفيقي القرم .. هو ذخري وغالي رصيدي=لاقام كلن يماري بالرصيد .. ويعده
ويشوش راسي .. ويغلي الدم داخل وريدي=لاعدوا الطيب اللي عزوتي .. صلب جده
كني مسكت النجوم الزهر في قبضة ايدي=وكني وصلت القمر .. واحفيت بالرجل خده
وكني ملكت الثرى .. والخلق عندي عبيدي=وكني حكمت الورى .. بالقوه المستبده
يطلق لساني على مدحه .. ويغري قصيدي=ويسابق البيت الأول صاحبه .. قبل أهده
واللي يسوي سواة مجري بن الحميدي=وإلا يخلي الثنا والمدح .. ماهوب قده
ياجعل عمره مديد .. وجعل حظه سعيدي=وجعله يمد العرب .. والله بجوده يمده
وعساه دايم ورا الهقوه .. كذيا بعيدي=لاطاح غيره عن الهقوات .. ماوصل حده
دايم وهو بادي للطيب مبدى جديدي=ودايم وكفه على بذل العطا .. مستعده
لو صاح ماهوب ميده ..واحدن .. قال ميدي=يدعيه حب الجميل .. ويستحي لايرده
مافيه صبح يبين إلا وهو مستفيدي=إما رفيق يسليه .. أو عدو يضده
غير متصل
لمواضيعي
