منتدى الشعر الشعبي والنبطي ( شعراء الشبكة )قصائد نبطية شعراء قبيلة سبيع الغلباء و الخليج ، دواوين شعرية بالشعر الفصيح و العامي بأجمل الكلمات وأجزل الأبيات
ماني بمن شعار شعر الحداثة ** عساه مايبقى لباقيه تالي ((علي اليتيم))
كُتب : [ 23 - 09 - 2007 ]
يالله ياربـي علـيـك اتكـالـي=سبحانـك اللهم يـاذا الجـلالـي
أدعيك وأرجي رحمتك وألتجي بك=تغفر لي الزلـة وتحسـن مآلـي
هذا وأنـا عبـدٍ خطايـاه واجـد=وفي رجا رحمتك ياخيـر والـي
فن ما رحمتـه يارحيـم البرايـا=ياجعل فال الشـر ماهـو بفالـي
من بعدها ياهاجس الشعر وينـك=خابرك جزل وفي الطلب ماتمالي
حضّر شياطينك وحضّر جنونـك=وابدع من الأمثال طرقٍ هلالـي
وعلّمهم إني شاعرٍ صـاغ بيتـه=من الذهـب والنـادرات اللآلـي
ماني بمن شعار شعـر الحداثـه=عسـاه مايبقـى لباقيـه تالـي
من فضل ربي في القصايد مفوّه=مسلّطٍ في الشعر علـى الجزالـي
شاعر ولد شاعر ومن روس لابه=مروين حد مصقّـلات السلالـي
شاعر ولد شاعر وأمثـل قبيلـه=(شهران) شهران الوفا والمعالي
شاعر ولد شاعر ولاهي ببدعـة=ولايشيل الحمل كـون الجمالـي
وأنا ورثت الشعر من ورث شيخٍ=رقا بـروس النايفـات الطوالـي
قبل الشعر بالطيب وفعل الجميلـه=وفعول يمنىً شامخـاتٍ جلالـي
شيخٍ حكم في كوكب الشعر عالـم=لاقال بيته مثـل صـم الجبالـي
دليل عن ما قلت في بوي باذكـر=بيتين له علـى سبيـل المثالـي
"الدين نبني به علـى مستوانـا=ونسخّره في شف صفر الدلالـي"
"لولا شيمنـا مـا رهنّـا لحانـا=ولا تحمّلنـا حقـوق الرجالـي"
رد : ماني بمن شعار شعر الحداثة ** عساه مايبقى لباقيه تالي ((علي اليتيم))
كُتب : [ 24 - 01 - 2008 ]
كفو كفو يا علي بك وبشايبك الشاعر الكبير
محمد اليتيم ومرحبا والله ومسهلا شرفتنا
بحضورك طال عمرك وننتظر جديدك وإبداعاتك
الثمينه صح لسانك وسلمت يمناك ,,,,
غير متصل
