فكره اجتماع الأعضاء

[محمد بن كسران]

بسم الله الرحمن الرحيم

اخواني الأعزاء

انا اعتذر عن غيابي عنكم ولكن كان عندي ضرووف

ولا ودي اطيل عليكم

لكن انا قريت موضوع لأخوي البارع 2000 الي يتكلم فيه عن بني ثور

ودار في بالي انه ليش يا حنا اعضاء المنتدى الــ18 الف رجال ما نقيم حفل يجمعنا بأسم قبيلة سبيع

ويكون كل سنه وانا والله مدري كم اعضاء المنتدى لكن قريت رقم 18000 ومدري هل هو صحيح او لا

والوكاد انها مهيب شي يعني لو قلنا اني قريت الرقم صح وصرنا 18 الف وسوينا قطيه من عشره ريال

طلع المجموع ميه وثمانين الف ولو قطينا من عشرين طلع المجموع ثلاثميه وستين الف (360000)

وانا والله مدري كم تكلف مثل هذه الأحتفالات ....

الوكاد لو اني قارين العدد خطا وصرنا الف وثمان ميه 1800 رجال وجمعنا من كل واحد مية ريال

طلع الناتج ميه وثمانين الف

ولو جمعنا من كل واحد ميتين طلع المجموع ثلاثميه وستين الف

ولو قلنا اني مخطي في قرايتي للرقم وصرنا ميه وثمانين رجال

وجمعنا من كل واحد الف ريال

يطلع المجموع ميه وثمانين الف

ولو حطينا الفين يطلع المجموع ثلاثميه وستين الف ريال

والله يالربع مهيب شي في جمعتنا اقل شي حنا يا اعضاء المنتدى

والله يا فيه كم عضو ودي اقابله واحب خشمه من الي اشوفه منه داخل المنتدى دون قصور في اخواني

الباقين

وانا اتوقع انها مهيب صعبه ان كانها كل سنه وكلن يقدرها

لأن انت يالي تدخل النت تدفع دبلات القطه الي تطلع عليك من فواتير والا ان كانك تروح لمقهى تدخل النت

يعني والله انها سهله

والي بيقول الناس عندها مشاغل يا خي نحطها في الصيفيه وتكون محدد وقتها قبل فتره عشان الواحد

يحسب حسابه قبلها بفتره ويفضي نفسه

وتكون اختياريه ومفتوحه للي من المنتدى والي مهوب في المنتدى...


وانا اشتحنت من موضوع البارع 2000 وهو صادق في ال قاله

وكتبت هذا الموضوع

وطبعا هذي مجرد فكره حبيت اطرحها وانا مدري عن حسبتي هي صح والا خطاء

وعن فكرتي بعد هي صح والا خطاء

وهل فيه حفل يقام اجتهدتوا فيه وانا ما عندي علم

واسف اني طولت عليكم

واعذروني مره اخرى عن الفتره الي غبتها عنكم

وتقبلو تحياتي يا عيال عمي

اخوكم / محمد بن كسران

[أبو يزيد]

بيض الله وجهك

يامحمد

فكرتك رائعه وهي مدعاه للترابط واقامة جسور للتواصل بين ابناء القبيله متى ماتم الاعداد الجيد لها.

إعدك بمناقشتها مع الاخوان.


محمد عاد 18 الف لو يجتمعون كلهم صارت مشكله :):).


لكن على الاقل اقامة الفعاليه التي اشرت اليها والحضور لو كان 100 فيهم الخير والبركه.

[ولد الرماح]

بيض الله وجهك اخوي
على الفكرة الرائعه والاكثر من رائعه
بس خل نصر

[ناصح]

مشكور أخي محمد على هذه الفكره الممتازه
لأن مثل هذا الإجتماع يحصل فيه التعارف وتقوية أواصر المحبة وتبادل الأراء في شأن رفع مستوى المنتدى ليكون فيه إنشاء الله مزيدمن نشر الوعي والمعرفة ومعالجة مشاكل القبيله خصوصاً والمجتمع عموماً ويجد فيه من زاره العلم والفائده والمتعه.
وفي رأيي الخاص إنه لو كان إجتماع للأعضاء في كل مدينة أو منطقة وتنزل خلاصة إقتراحاتهم في الموقع لكان أيسر .
ولاتنسون إنكم أعرف بمشاكل قبيلتكم التي ينداء لها الجبين وتتفتت لها الكبد وينصدع لها الفؤاد ولن يتصدى
لحلها سواكم وأنتم أهل لها إنشاء الله ففيكم المشايخ والمثقفون والمفكرون والتربويون .؟؟؟ !!!

[ابن جراح الثاني]

بالنسبة لي انا معكم لو تبون من اليوم

[محمد بن كسران]

الله لايهينكم

وبيض الله وجيهكم

و ما قصرتوا

تحياتي,,,,,

[أبوعبدالله]

اذا كنت ذا امر فكن ذا عزيمه ------ فان فساد الراءي عند التردد


الامر يتطلب القدم أماما والتكلفه بسيطه جداا

[خالد الشماسي]

مرحبا أخي محمد بن كسران


و مرحبا جميع اخواني المشاركين .


الإجتماع مفيد و تم طرحه من قبل الأخوان اكثر من مرة .



وبإذن الله سيتم تنفيذة في وقته المناسب .


ولن يكون على احد من الأعضاء اي تكلفة غير حضورهم .


فأنتم أهل المهمات الكبار فيكفيكم فخراً انكم اخرجتم فيحان وهاهو ينعم بالخير وسط أبناءه .

أما الأمور السهلة فسنكفيكم اياها .

[مترك ثواب]

فكره ممتازه تستاهل حبت خشم يامحمد كسران

وانا معكم على الخيـــــــــــــــــــــــــــــــــــــــــــــر قدام قدام


أخوكم / مترك الثوري

[بن منصور]

مــســتــعــد