اسعد الله اوقات الجميع بكل خير
:
هذه قصه حقيقية لواحد تزوج وحدة وطلقها لسبب غير معروف ويقال أنه أصيب بالعين
المهم الشاعر ألّمّ به ضرسه وذهب لمستوصف (القمة) ليعالجه ، وشاف مطلقته ومعها أخوها وقال قصيدة محزنة
وهذا طبعا بتقدير العزيز الحكيم
لكن دعونا نستمتع بجمال الأبيات
:
صادفتها صدفة بمستوصـف القمـة ... بالعين راعيتهـا لحظـة وترعانـي
شميت أنا عطرها ويا بخت من شمه ... يدوخ ويسكر ولو ما هوب شربانـي
قمت أتذكـر زمـان فـات وألمـه ... لاعـاده الله نصيـب يـوم ودانـي
هلت دموع العيـون ولابقـى غمـه ... مما جرى لي نسيـت ألآم الاسنانـي
معها أخوها رفع كفـة علـى فمـه ... كنـه يقـول الله الستـار ياقـانـي
نفس الملامـح ويشبـه دمهـا دمـه ... سبحان ربٍ خلقهم دعـج الاعيانـي
يدري بحبي وتـدري أمـه وعمـه ... حال القدر بيننـا والحـب سلطانـي
يبكي ويمسح دمـوع عيونـه بكمه ... ـيبكي على شانها ويبكي على شانـي
والله لولا الحيـاء والديـن لاضمـه ... وأسمعه شهقةٍ مـن قلـب شفقانـي
والحب بلوى ومنـه النفـس ملتمـه ... وش حيلتي والغضي دمي وشريانـي
جسمي يروح ويجي والقلب من يمـه ... القلب عنـده يبيـه ولايبـي ثانـي
أقسم بربي وأنا لـي مذهـب وذمـه ... لاعيش أحبه ولو حبه علـي جانـي
شربت كاس الهوى ورويت من سمه ... مامت وارتحت ولاهوب اللي أحياني
وأضحك مع الناس والأحزان منضمه ... كني سعيد وأنـا مبلـي بالاحزانـي
عندي وصية وتـال الهـرج يايمـه ... الموت حق على القاصي مع الدانـي
وأن صرت فوق النعش والناس ملتمه ... مروا على بيتها وتشـوف جثمانـي
قولوا لها الموت زم صويحبك زمـه ... ما مات حبه ولو هو بالنعش فانـي
شلنـاه للمقبـرة وأدعيلـه القـمـه ... خوذي ثوابه وجودي له بالإحسانـي
يالله يالمقتـدر ياكـاشـف الغـمـه ... تفرج لمـن حالتـه دوم بنقصانـي
:
علماً انه يوجد في التسجيلات الاسلامية شريط يحمل اسم ( صادفتها )
يتضمن هذه القصيدة مُنشدة بصوت رائع
منقووووووووووووووول
اخـــــــــــــــــــــــــــوكم
اخو ساره
غير متصل
مستوصف القمــــــــــــــــــــــــــــــــــــه
