اقتباس:
المشاركة الأصلية كتبت بواسطة المتهم
ألف أولف قصتي عقب فرقاه =الصاحب اللي رامه القلب وغلاه
وعاهدني وعاهدته إني فلا أنساه=ومع البطا نسي العهد فتنت الجيل
والبا بدا بالصد عقب أحدي عش عام=وخان العهد ضاف الجعد ترف الأقدام
وتغير الا وأختلف وأول شمام=معي علي ماقيل وش حلوه حليل
والتا تباطي جيتي وختلفيا=ونسي نهار فيه ليه حلفيا
وأقفي وأنا ماطرد وري من ذلفيا=عله مهف مقيط في غبت النيل
والثا ثلاث سنين علي ثماني=ما غاب عن بالي ولو هي ثواني
والقلب غيره ما هوي مودماني=ولا طعت في حبه كلام العواذيل
والجيم جازا بالجفا غض الانهاد=قلب يحبه وأبتعد مير وش عاد
خله وانا فالح ومن عصر شداد=طرد المقفي سهمتن للمهابيل
والحا حدث ما صار من داعج العين =بخمسه سفر من عام خمسه وعشرين
وأنهي هوانا اللي من أربع وتسعين=وأنا عقب ما صار ما عاد بي حيل
والخا خلصنا من هواه وبلاوي=لو إن مابه غيره أحد يساويه
في قلب من قلبه يحبه ويغليه=واللي علي أهل الفيل أرسل أبابيل
والدا دو جرحي صعيب وتصعب=وحترت في جرحي وحير هل الطب
ورجواي بالله خالقي فالق الحب =أرفع يديه وأطلبه تالي الليل
والذا ذوي قلبي وذوت عروقي=من يوم راح اللي عطيته خفوقي
والله يبوق اللي لخله يبوقي=وانا أشهد إنه باقني يا رياجيل
والرا رقيت النايفه من عنايه=وجر وناتي من أقصي حشايه
والبوك والأقلام عقبه عزايه=عزاي في فرقاه بدع التماثيل
والزا زمي من دونه إرمال وجبال=دونه رمال الربع والضلع أبوجال
ضلع السليل والمسافات بميال=حول الثمان أميه حسبناه بالميل
والسين سال الدمع والدمع فضاح=حتي إن من دمي درج وادي رماح
وأنوح نوح الورق الأقشر الياناح=ورق يجر ألحان حزن ومواويل
والشين شلت الحب لجله عشانه=وأقول أموت ولاتغيرمكانه
ومن قال كبه قلت منت بتكانه=قلب العنا عن ذاك لا يمكن يميل
والصاد صبرأيوب لجله صبرته=ودمع العيون القشر لجله نثرته
واليوم حبه مات وأنا قبرته=ما عاد به رجوا ليال مقابيل
والضاد ضر الخل فرقا خليله=وعظام جسمه ناحلات هزيله
وروحه من الصدمه جريحه عليله=وعاف الوناسه والطرب والتعاليل
والطا طبعت اسمه بقلبي ولا زال=وإن قلت أحاول فيه ماني بمحتال
علي جدار القلب وشلون ينشال=غصب أتركه لو إن تركه غرابيل
والظا ظلام الليل ياما سريناه=ياما سريت الليل شفق للاماه
وكم ليله جيناه سارين لرضاه=ودليلي نجوم السماء الجدي وسهيل
والعين عذالي حدوه وحدوني=وفي صاحبي ياعم خابت ظنوني
وقفت ظعونه وفختت عن ظعوني=الله لا يرحم هل القال والقيل
والغين غاب وغابت الشمعه اللي=بها من أول فالظلام أستدلي
ويا عم فالح عقب خله مولي=مير أفطنوله كان هو طاول الطيل
والفا فري قلبي وكبدي فراها=فرقاه والفرقا كواني لضاها
وجروحه اللي شقها ما رفاها=يالله دخيلك صق من صيحت الويل
والقا قدر جفواي وأنا جفيته =وحلفت مامره ولا أمر بيته
لاكن انا وإن شفت عينه بغيته=عينه كحيله ما كحلها من الميل
والكا كفاني ما جرا لي منه=أبوخديد كنه البدر كنه
أربع وست وست بالوقم سنه=توه علي قطع الرجا والمواصيل
واللام لا بالله مابيه لله=ومن عقب ما خلاك يا قلب خله
خله يولي في طريقه لعله=يسعد مع اللي له يحبل المحابيل
والميم ما دامه كذيا بداله =غرو جميل وكامل في دلاله
عنود صيد وباهي في جماله=ومكمله رب المخاليق تكميل
والنون ناديناه ما جاوب الصوت=قفي يحسبنه اليا راح بموت
ماني عقاب ولا أنتي بعشقته نوت=لو تنتثر دمعات عينك هماليل
والها هدم قصر المحبه وخلوه=ياهل الهوي خلوه ذكري ومروه
روحو له أخذو عبرتن منه زوروه =هذا لكم في ظلمة الليل قنديل
والواو وا وجدي علي خلي ألا=اللي علي عرش الضماير تعلا
لاكن عقب ما صار أنا أجيه كلا=الا إن من يمه تجيني مراسيل
واليا يا عمي كان ما لله رحمني=أنا مولي صق مير أغتنمني
أصمن أبكم ما وحي اللي زهمني=اليا طرالي صاحبي فتنت الجيل
الشاعر : فالح عبود القريشي |
المتهم الله يحييك في شبكة سبيع الغلباء وصح
لسانك ولسان الشاعر المعروف فاااالح بن عبود
القريشي وهو شاااعر غني عن العريف بلا شك
وياليت توافينا بجديد هذا الشاااااااااعر العملاق
غير متصل
قصيدة منقوله
