هذي القصيده للشاعر خليفه بن فواز و الشاعر يفخر بشيبانا وانتمائه الى فخذ الحسن وانه حتى لو الفخيذه تفرعت الفخيذه لن تفترق ويفخر بقبيلتنا ((الكعبان))
ويفخر بقبائل بني عامر جميعا وانتمائنا لهمابدع بن دريميح
ابدع بن دريميح و الهرج بسمان=هرجن صدوقن مالفى للطرايف
يامن تقاوي غزوتن و أنت خسران=أحذر تحذر غلطتك بالشلايف
حنا قرومن من صناديد شجعان=شغموم جدي بالفعل والكلايف
كعبي ابن كعبي ومن روس عربان= عيد و خليفه منبعن للنوايف
خالي و عمي من بني كعب كعبان=وفخذ الحسن له من فروعن سلايف
العيد ودريميح لزمن لهم شان=وعيال بن محتال لزم الطوايف
و حسن ابن ناصر مع الموتر اخوان=وناصر ابن ناصر ولد عم طايف
و راشد بن دريميح اخو عبدرحمن=وعلي ابن عيد وعليهم حسايف
و آل الحسن تجمعنا لو طالت أزمان=لو حن تفرعنا ما حنا تلايف
و عيال عمن هم لنا آل جبران=لزم الحسن علمن لا منه ترايف
و الآد عامر حنا لا ثار دخان=ارجال حربن معتلين الوصايف
كعبان حنا من سلاطين فرسان=اكرم علينا مانساوي الضعايف
وانا خليفه ولد فواز ما انهان=اموت في عزن ولا اعيش خايف
لي لابتن من بني عامر وقيمان=عز وسند لي في نهار الوقايف
نظمي بنيته بكل صدقن مع اتقان=قافن تيسر وانظمه باللطايف
تمت وربي تمم العدل ميزان=وشتبغي زودن بالشعر وانت شايف
للشاعر خليفه بن فواز ال دريميح الكعبي
المقصود بالمووتر:هو علي بن حسن وكان يلقب المووتر
وعلي بن عيد:وهو معرف بين اهل قطر باسم بن عيد
الله يرحمهم
عيد هو جد الشاعر من خواله
خليفه جد الشاعر
هذا الرابط في موقع ابيات الشهير
www.abyat.com/poet.php?id=17380
غير متصل
