بسم اله الرحمن الرحيم
اخوتي الكرام بالمجالس
السلام عليكم ورحمة الله وبركاته
اسعد الله أوقاتكم بالخير
واليمن والمسرااااااات
أقدم
لكم هذا الرديه
بيني وبين
الشاعر العزيز
والاخ الصديق
فهد بن ناوي الرشيدي
وقد
بادرته بهذه الابيااات
يابوناوي ياعريـب السـاس =يالرشيـدي بيرقـك عالـي
بشتكيليك مغنـجٍٍٍ حسـاس =طول علـي وهدلـي حالـي
اليـا طلبنـي جيتلـه دواس =واليا وصلته جانـي وقالـي
انتا حبيبي الطيـب المحتـاس =ونذراً عليا ماحذفـه شالـي
يرتفع بي ظغطـي ماينقـاس =واتمنـى امـسـه بعقـالـي
بس البلا انه غير كل النـاس =سيد الحلا و منبـع الحالـي
من كثر حبه مايجيني نعـاس =سهير ليلي ودمعـي همالـي
وبعد الذي شفته بذا القرطاس=من بعض شعري وبعض غربالي
ابـا اتحـرى ردك الونـاس= عجل علينـا حالنـا بالـي
وقد استاق لي هذه لابيات
يامرحبابك .. عـد مانسنـاس = هبهب علـى خـلٍ .. تهيالـي
يالصاحب .. الي للشرف نوماس =من روس قومٍ .. فعلهم طالـي
يشكي .. علي الجادل الحساس =يشكي .. فراق الصاحب الغالي
لاتشتكيلي .. وضعك المنحاس =روّح .. عسى هالوقت يصفالي
قبلك .. وانا الي خمني الهوجاس =عقب الرفيق .. الي على بالـي
حبه .. بنون العين مثل المـاس =يبقى .. ثميـن ومعدنـه غالـي
اليا ذكرته .. بين كـل النـاس =قمت اتوجد .. واشتكي حالي
ماعادلي .. في ديرتـه مجـلاس =حتـى .. منامـي ماتهنـالـي
اليا طلبته ... مايهـز الـراس =قام يتصـدد .. مايبـي قبالـي
يقول انا ودي اذوق .. الكاس =مير البلاء .. به عـمٍ وخالـي
ثمٍ اضيق .. ويبتدي الوسـواس =واجر لاجله حـزن .. موالـي
جاك الكلام .. الي كما القرناس =يبقى رفيـع .. ومنزلـه عالـي
اتمنى ان تنال على
أعجابكم وأستحسانكم
هذا
وتقبلوا
جل التحيه والسلام
اخوكم / شبيب ناصر المشعبي
غير متصل
الرديه بيني الشاعر فهد الرشيدي
