منتدى الشعر الشعبي والنبطي ( شعراء الشبكة )قصائد نبطية شعراء قبيلة سبيع الغلباء و الخليج ، دواوين شعرية بالشعر الفصيح و العامي بأجمل الكلمات وأجزل الأبيات
لن قاله الله والليال امهلني = لحقق اللي في منامي حلمته
ولبرهن الي في هجوسي وضني =لامن بغيت الجزل قمت ونظمته
ولا جر عذب الصوت من فكر فني =وبليس لا من قام قمت ورجمته
وياكثر ناس من رحاتي لسني = (سيف الجزاله) ياعرب مادقمته
فـالراس ميتين وثمانين جني =لو رحت سور الصين فيهم هجمته
احد يبوس الراس واحد يحضني = واغلبهم اللي بالهدايه حكمته
اشد فيهم بالقصايد وابني =ومن شذ عن طاروق شعري قصمته
بشيوخ جن الشعر حضي رحني =وخطام جزل الشعر غصبٍ لازمته
والشعر لو له عرش فوقه لبني =ولو يعصى فكري بشعري لطمته
ولذود دون سليم وتذود عني =لامن فتلت ال شاربي ثم برمته
لاحد على الكرسي يعالم يمني =بعد محيط الشعر غصته وعمته
ممنوع لحداً يقترب عاد مني =من بعد انا سيف القصيد اعتصمته
والشعر ماني شابله هو شبني=وهملت انا في فرصته ماغتنمته
واليوم والله ثم والله زبني = وماني على اسمي كاني ماخدمته
ماله ورب البيت مني وعني =ولو لا حزامي جيداً ماحزمته
اسهر اليا تال النجوم ادبحني =وان ماعمرت الشعر لا ماهدمته
والبيرق اللي والله انه يعني =ماني بعيداً عنه والله دهمته
لاتحسبون الشعر كان يعضني= لعيون ترفات الصبايا رحمته
وذا بحب البيض ربي فتني = لليل العنا بالصدر بيطول صمته
وحب الرجال بجزل شعري شحني =وانا على اوراق القصايد رسمته
ماذكر بيوت الشعر يوم(ن) عصني =واعسر بيوته في ثواني رقمته
والهاجس اللي زارني وامتحني=بسيف جزل الشعر خصمي زلمته
والله مااجهل غير من هو جهني =واللي تجاهلني فنا ماحشمته
وكسب المراجل ما يجي بالتمني =هذا الكلام الي بحلمي علمته
والجزل في حكمي ودبلي وصني =بطيبي بجودي بشعري خطمته
ياجزلي وحبكي وسبكي وفني= سمر الجزاله للقصايد ركمته
واللي مايبغاني عسي مايثني= لو لاي فارس مانهضت وقدمته
محق السنين الكايده ماتعبني = واللي ماهو فاهم عليه فهمته
واليا غدر وقتي وخان وطعني =من رحمة الله لي نجيت وسلمته
والطيب لو لا طيبتي ما كفني = ولو لا حترام المحترم ماحترمته
وصلو على االلي من يسبه غبني = وبذكر رب الكون قولي ختمته
وسلامتكم
ياماحلا بيت الشعر وسط الربيع
فــي ديــرةٍ واللـبـل وراه معشيه
منظر قسم بالله جميل وفضيع
والبرق يبرق والمزون أمنشيه
ماكنها إلا ديرت الغلباء سبيع
اللي هواها يطرب المتمشيه
[size=4][align=center]يقول أبو زيد الهلالي سلامه = أدعى سو بقعاء مقدم الراس شايب
أخاطر بعمري في ذرى كل هيه = مر (ن) سلامات (ن) ومر (ن) مصايب
الإجهاد عدّى اللايمات عن الفتى = والأرزاق ما تأتي الفتى بالغصايب
غير متصل
