يالواسطه شفنا الليالي تسايق
والعمر يفنى والسنين معدوده
وشفنا خيار الربع قامت تلاحق
والكل منهم يمسكنه حدوده
وشفنا الردي تضحك سنونه تبارق
غره زمان(ن)فيه كثرة صدوده
لاشك انا من لابت(ن)ما تفاهق
يوم التولي في الليالي الجحوده
تعرفنا اللي يطمرن الخنادق
والرمح والشلفا والخيل جـوده
حنا سبيع مطوعين المفارق
ومؤكلين سباعها والفهـوده
يالمنتدى خبر ضيوف(ن)عواشق
عن ماضي الغلباء وحنا شهوده