يا كليب شبّ النار.. يا كليب شبّه
عليك شبّه، والحطب لك يجابي
قلّط لها يا كليب من جزل خبّه
وشبّه إلى منه غفا كل هابي
حنّا علينا جيب ماها وحبّه
وعليك تقليط الدلال العذابي
إغدق ليا شبّيتها ثم قبّه
تدعي لها ربعٍ سراةٍ غيابي
لو هم بعيدٍ شوف ضوّه ينبّه
ولو هم قريبين بنبح الكلابي
بنسريةٍ يا كليب يا شين غبّه
ليا نسنست لكنّها سم دابي
متلطمّين وناطحين مهبّه
متكتفين وسوقهم بالعقابي
خطوا الولد يا حيف ما ينحسب به
معيرة على غضير الشبابي
وش عاد لو يلبس زبونٍ وجبّة
يصير منهم من حساب الزهابي
الوالمة يا كليب عجّل بصبّه
والرزق عند اللي ينشّي السحابي
صبّه لقرمٍ صرفته ما حسب به
يوم البخيل مكنهب الوجه هابي
وثنّه لمصدور ليا جاه نبّه
يرخص بعمره والدخن له ضبابي
وعده عن اللي ما يداري المسبة
اللي يدوّر بالقصير الغيابي