خيال الغلبــاء
شكرا لك.
يا ذيب كن اعــواك ما ودي أوحيـــك = وإليا ســمعت اعواك قلبـي يلجـــي
ويا ذيب ما ني غــاوي اللي يعويـك = كم واحد من حســتـه مســــــتمجـي
عســاك مانته فاقد أهلـك وغاليــــك = مدري قنيــــب اليــاس وإلا ترجـــي
اصبر كما صبـــري على كل ما يجيــك = والله ينـادي بالســـعـد والفرجـــي
إن كان نـدك جـــوع تعـال أعشــــيـك = وأبيك تســـكن عندنـا مـا تهجـــي
أقـــدم المـاجـــود والله يحيـيـــك = ورزقي على اللي مــاش دونه ملجـــي
وإليا بغيــت تروح قلـي وأخــاويـك = ودي بــدرب الذيب مع كـل فجـــــي
أبايعـــك وأعـادي اللـي يعاديـــك = ومــن وين ما ســــجيت حالف لأســجي
شــوقتني يا ذيب ما أزيـن معــاديـك = إليا اختلــط بالليـل بـرد وعجـــي
ولا تصبــح إلا في عــلاوي محــاجيـك = واللي يبــي يقتلـك يا ذيـب دجــي
يا ذيب لا تــوذي عليـه ولا أوذيـــك = في راس مـــرقاب الخـــلا نندمجـي
وإن جاك ضــده من عدوك ما أخليـــك = وعيــب على اللي خــوته ما تنجـي
يا ذيب عــاهدني وأعاهدك ما أرميك = وإن بقــت بايق في صيــامي وحجــي[/poem]