الحسد والقطيعه .للشاعر محمد بن طماح المجمعي السبيعي

[المتزن11]

كان ياما كان ياعـيـن لدي له=ودي آخذ مع زمان مضى جـولـه
جـلســةٍ فـيـهـا سوالف وتعـلـيـلـه=مع هل قـلـوبٍ من الحســـد مـغســـولـــه
مع رفـيـقٍ صافي لي وصافـيـلـه=رفـقـةٍ ما هـيـب بالـغـش مـدخـولـه
رفـقـة اللي يـبـعـد الـهـم ويـزيـلـه=مـيـر هذا مـطـلـبٍ ما أقدر أنـولـه
الـبـعـيـد بعـيـد ما فاد قـربي له=اتـمـنـى قـربـه ولاني بـحـولـه
كـنـي اللي يـرجي الـمـيـت يـجـيـلـه=كل يوم يــديـر قـبـره ومـخـيـولـه
يصـفـق بـكـفـه ولا في يده حـيـلـه=شـــايـبٍ راحوا عـيـالـه ولاجـولـه
لـقـي مـوتـرهـم تـحـت تـيـدر تـريـلـه=تـيـدرٍ مـجـهـول ما عرف مـنـهـولـه
واســتـوى عـنـده نـهـاره مـثـل لـيـلـه=ما بـقـى له واحدٍ مــنـهـم يـعـولـه
لاإلـتـفـت ما حـولـه أحد يـراعـيـلـه=وان سرق عـيـنـه نعاس تـراوولـه
عـزتي لي من زماني وعـزيـلـه=اشـــهـد ان حالي من الـوقـت مـذهـولــه
يا زمان حاصـرتـنـي غـرابـيـلـه=مـثـل ما يـفـرض حصـار عـلـى دولـه
وقـتـي اللي كل هم يـنـاديـلـه=يوم اجـمـع هم الأجواد وش هـولـه
الهـمـوم اللي مـراقـيـب وش هـيـلـه=ضـاقـبـي مـنـهـا الـفضـاء عـرضـه وطـولــه
ول وقتٍ مايل وزاد في مـيـلـه=يـولـد الـمـولـود ويشـــيـب من هـولـه
مـنـه هم الـقـلـب تعزف مـواويـلـه=كل غـيـبـت شـــمـس يزداد مـفـعـولـه
والســبـب جـيـلٍ عســى يـنـقـطـع جـيـلـه=فـرقـونـا ربع هــيـلا ومـدلـولـه
كل مـنـهـم يـنـقـل الـحـقـد ويشــيـلـــه=جعل شـــيـال الـحســد يـخـتـفـي زولـه
من يـجـامـل مع مـنـافـق ويـمـهـي لـه=مـثـل ربع جــامـلـوا معه وامـهـوا لـه
صـاحـبـوه ومـثـلـوا مـثـل تـمـثـيـلـه=وعـزفـوا طـبـلٍ ماهي من طـبـولـه
ظـلـهـم شـــيـن الـنـوايـا بـتـظـلـيـلـه=وعـبـدوه ضـعـاف الأنـفـس وصــلـوا لـه
له ســـــنـيـن بـيـنـهـم راكزٍ ذيـلـه=كـلـمـتـه لو انـها كذب مـقـبـولـه
اشــــهـد ان الـطـيـب راحت رجـاجـيـلـه=ذيك الارض بغـيـر أهل الارض مـنـزولــه
ما بـقـى إلاربع لـبـاســة الشـــيـلـــه=الحســـد بـيـديـنـهـم فـكـوا قـفـولـه
الـمـنـافـق هــاتـفٍ فـيـه تـحـويـلـه=يـرســل ارقام مع الـنـاس مـجـهـولـه
بـيـنـهـم تـقـبـل وتـقـفـي مـراســــيـلـه=ما عرف راعي الـرســالـه ومـرســولـه
اشــهـد ان مابه صـعـب راس يصـحــيـلــــه=يـالـقـلـوب الـنـايـمـه مـاصـحـيـتـي لـه
ابن عـمـك من وقع في مـحـابـيـلـه=ما يـبـي لك بـعـدهـا عزٍ وطـولـه
كل زارع زرع يحصــد مـحـاصـيـلـه=والردي يا اهل ويش مـحصــولـــه
بـيـنـكـم تـقـبـل وتـقـفـي فـنـاجـيـلـه=وصـاحـب الـفـوال يـعـطـيـه من فـولــه
والـلـه إن الـبـاطـل الـحـق تـبـطـيـلـه=مـيـر اظن ان كـلـمـة الـحـق مـقـتـولـه
اخـتصـرت الشـــرح عن بعض تـطـويـلــه=الـحـقـيـقـه يا اهل العـقـل مـعـقـولـه
ادري ان باقي عـلـى الـقـاف تـكـمـيـلـه=مـيـر بـعـض الشــيء ما ودي اقـولـه

[أبو يزيد]

اخوي المتزن

نقل رائع بيض الله وجهك وسلمت يمينك..
وصح لسان الشاعر /محمد بن طماح وبيض الله وجهه على هذه القصيده الجزله والرائعه.
دمت ودام قلمك شامخااااا.

[المتزن11]

مشكور اخي ابو زيد على التكرم بمرورك .

[سعود الصندلي]

قصيدة جميلة وتحكي واقع كثير من الناس في هذ الزمان
الله يكفينى شره
مشكور على النقل المميز والاكثر من رائع

أخكم/سعودمحمد الصندلي

[مسلط 22]

الاخ المتزن السلام عليكم ورحمة الله وبركاته وبعد صح لسان الشاعر وبيض الله وجهك على القصيده وقدقال الشاعر العربي في الحسود
اصبر على مضض الحسود فان صبرك قاتله النار تاكل نفسها ان لم تجد ما تاكله
وانت سالم والسلام

[خيَّال الغلباء]

أخي الكريم / المتزن بعد السلام صح لسان الشاعر / محمد بن طماح المجمعي وبيض الله وجهك على نقل القصيدة المعبرة عن داء العصر الحسد واسلم وسلم والسلام .

[ذرب الايمان]

صح الله لسان الشاعر محمد طماح وتشكر على النقل يالمتزن 11

[العملاق22]

ارق سنود يابن طماح

[صادق النيه]

يعطيك العافيه اخوي المتزن على النقل الجميل لشاعر الكبير محمد بن طماح المجمعي

ولكن فيه بعض الملاحظات على بعض الابيات اخطت اخي المتزن في كتابتها

وبخصوص اني من المقربين لشاعر محمد بن طماح حبيت اعدل الاخطاء

كـل زارع زرع يحصـد محاصيلـه //والردي يـا اهـل الوفا ويـش محصولـه

اشهد ان مابه صعـب راس يصحيلـه//يالقلـوب النايمـه ماصحيتـو لــه

صاحبـوه ومثلـوا مـثـل تمثيـلـه//وعزفوا له طبـلٍ ماهـي مـن طبولـه

هذا تعديلها والشكر لك على نقل القصيده

[عبيد الحريصي]

لاهنت أخوي المتزن وصح لسان ابو سعد وفيه ملاحظه البيت الثاني لم تكتبه في القصيده وهو

أه يا وقتٍ لحقنا على جيله
وقتنا اللي يا سعد ما لحقتوا له