أملي أن ترتقـــي لذائقتكم الراقيه وتلامس قلوبكم الطاهره
مهابة الفج الخلأ قبل تنداس= الياوطيت الخوف ماانته بمسبوق
والمعركه والسيف وسروج الافراس=خيالها اللي عنده الموت معشوق
والبحر نبحربه ولاهوب ينقاس=وفيه الدرر والرزق واسرار وعموق
والبدو لاجاهم من الوسم عساس=شدوا وبالمرزق رعوا كل زملوق
وأنا لغير الله فلآ أطمن الراس=تكلت جالي له ولاجال مخلوق
وحاولت أقارن وأضرب أمثال وقياس=مير البلأ مــ اللي يقول اصه فى السوق
ياصاحبي والبال ضايق ومنحاس=آغيب وأرجع وأرجع آغيب وآفوق
ياصاحبي والوضع شائك وحساس=مدري متى بأدله وبأرتاح وآروق
ياصاحبي لاتضرب الناس بالناس=(ويموت عشره كلهم لاجل صندوق)
ياصاحبي والبيت يبنى على ساس=وبيتااا بليا ساس مايرتفع فوق
ياصاحبي والبن في وسط محماس=حذراء النياه ولايجي البن محروق
لو المهلهل يقنعه ذبح جساس=صدقت قولة كل مطرود ملحوق