بسم الله الرحمن الرحيم
إخواني الكرام / أعضاء ومتصفحي منتديات قبيلة سبيع بن عامر الغلباء السلام عليكم ورحمة الله وبركاته وبعد : إليكم هذا الموضوع عن طريقة حساب الأمطار وظهور العشب والفقع وهو ما يسمى ( القران ) ويقولونه أهلنا قديما من بداية سقوط الأمطار فى الوسم حتى نهاية فصل الربيع وهى كما يلى :
قران تاسع = برد لاسع ( بداية المربعانية ) برد شديد
قران سابع = مجيع وشابع ( بداية الشبط ) بداية خروج المربعانية واخضرار الأرض , يشبع الحلال قليلا
قران خامس = ربيع طامس ( بداية دخول فصل الربيع ) ووفرة العشب وازدهار الأرض وتشبع الإبل
قران ثالث = ربيع ذالف ( نهاية فصل الربيع ) اصفرار العشب وذهاب الربيع ( أصرم العود )
قران حادى = على الماء ترادى ( دخول فصل الصيف ) وحاجة الإبل والغنم إلى المياه بوفرة
وفى نهاية الربيع ودخول الصيف , يرجع أهل البادية إلى ديارهم باالقرب من ( العدود ) المياه ويسمى عند أهلنا
قديما (( نقض الجزو )), وهذه قصيدة الشاعر الكبير والفلكي النحرير / راشد الخلاوي بطريقة الحساب :
قال الخلاوي والخـلاوي راشـد=عمر الفتى عقب الشباب يشيـب
حسبت أنـا الأيـام بالعـد كلهـا=ولا كل من عد الحسـاب يصيـب
حساب الفلك بنجم الثريا مركـب=يحـرص لـه الفـلاح والطبيـب
فإلى صرت بحساب الثريا جاهـل=ترى لهـا بيـن النجـوم رقيـب
إلي غابـت الثريـا تبيـن رقيبهـا=وإلى طلعت ترى الرقيـب يغيـب
وإلى قارن القمر الثريـا بحـادي =بعد أحد عشر عقب القران تغيب
وسبع وسبع عد له بعـد غيبتـه=هذيك هي الكنه تكـون مصيـب
ومن بعدها تطلع وبها القيظ يبتدي=وتاتي بـروق ولا يسيـل شعيـب
وإلى مضي خمسٍ وعشرين ليلـه=ثقل القنا من فوق كـل عسيـب
وتطلع لك الجوزا وهي حنة الجمل=وتأتي هبايـب والسمـوم لهيـب
وإلى مضي خمسٍ وعشرين ليلـه=يطلع لك المـرزم كقلـب الذيـب
وإلى مضي خمسٍ وعشرين ليلـه=يطلع لك سهيل مكـذب الحسيـب
وإلى مضي خمسٍ وعشرين ليلـه=تلقي الجـوازي طردهـن تعيـب
وإلى مضي خمسٍ وعشرين ليلـة=ليلـة نهـار وتجتلـد وتلـيـب
وإلى مضي خمسٍ وعشرين ليلـه= لا تأمـن المـاء صيبـه يصـيـب
منقول وأنتم سالمون وغانمون والسلام .