بسم الله الرحمن الرحيم
ولد شاعر سبيع المعروف / دبيان بن عساف من الصمله من الخضران من بني عمر من قبيلة سبيع بن عامر الغلباء عام 1318هـ ، ومن قصائده هذه القصيدة ومناسبتها أن / سعد بن سلامه الأدغم تزوج إبنة عمه / سلطان الأدغم وعندما علم بذلك الشاعر / دبيان بن عساف قال هذه القصيدة عام 1385هـ .
علم ٍ سمعته ما هقيت بثباته
= فزيت فزة ممحلٍ هاجده سيل
قالوا سعد مجتاز بأطيب خواته
= سيد البنات منقضات المجاديل
والذيب لامنه تعشى بشاته
= يستاهل السرحان صيده من الحيل
الله يجمع بينهم ببركاته
= والله يبعث ما مضى بالمقابيل
عودٍ نعرفه خابرين سواته
= عسى يجي مثله عليهم رياجيل
عودٍ لهم ترمي العثاير هواته
= سلطان بن سطام مرذي المراميل
ومن عد فعل اجدودهم متعباته
= ناجي وأخو ملفي وسيع التنافيل
وبراك زبن المجرمين بحياته
= اللي تمناه الممثل له دخيل
وأفعال شيبان الهدى فايتاته
= ولو له سلومٍ رجح الصاع بالكيل
وأرجي عسى الفرحان تقبل دعاته
= ويفتح لها باب الرجاء عادل الميل
وأبيات الممثل ( وهو من قبيلة عتيبة ) في / براك الأدغم هي :-
يالله عسى الأدغم يجي من حيالي
= لا جيت مضيوم وشفاياي يباس
لا جن مثل مخزمات الجمالي
= والخيل فيها من معاري ولباس
راعي إحصانٍ للمنايا يوالي
= تلقى فعوله بينات مع الناس
وفي روايه أخرى :-
راعي إحصانٍ للمنايا يوالي
= تلقى فعوله ماضيات مع الناس
وله أيضا :
قـال الأديـب مصـرف القيـل تصريـف = صــــرف الذهــــــب مـع تاجـرٍ مفهمــــــانـي
وزن الذهـب مـازون ما فـيـه تزيـيــف = ومـــــــوردٍ ورد الـقـلــــــــــم لكـتـبــــــــانـي
كــلٍ يـــعــد أفـعـال ربـعـــــه بتصنـيـف = متفــــــــــــرغـيـن لـلإذاعـــــه بـأمـانــــــــي
فـي دور حـكــــم مفرقـيـن الموالـيـف = اللـي يحـطـــــــــــون الصـعـب مرجعـــــانـي
حكـام نجـد اللـي علـى شعبهـم ريـف = أهـــــــــل الفعــايـل والثـنـاء والحســـــــانـي
حكامهـا مـن قبلـي الـطـاش للسـيـف = ومــن القـرايـا للحـجــــــــــاز اليـمــــــــانـي
وفيصـل مواسيهـا مـن الحيـف للحيـف = ومتكـفـــــــــــــــــلٍ زوارهــــا بالضـمـانـي
ومبعدٍ عـنـهـا جـمـيــــــع التخـالـيــــف = بــرايٍ يـكـود معلمـيـن الـذهــــــــــــــانــي
وعيـــــال أبـوه اللـي عليـهـا مكانـيـف = وموظـفـيـنٍ جـنـــودهـا للـوحـــــــــــــــانـي
وزانـت لكـــــل مولـف القـيـل تولـيـف = الـلـي بغـالــــــي ذمـتــــه مهـذبـانـــــــــــــي
ويا أهل الركـاب أجنـاب ما مـن معاريـف = مـن فـوق حيـلٍ مغفـــلاتٍ سمــــــــــانـي
أنتـم بوسـط سبيـع يا أهـل المواجـيـف = أهــل العـوايـد بعـشــــــرٍ وإلا ثـمــــــــــانـي
تبغـون قـطــــاع المـظـامِ الشفاشـيــف = تبـغـون قـطــــــــــاع الـفـــــرج مغــزوانـي
ترحلـوا بأكـوارهـن يـاهـل الهـيـــــف = لا جـــــرهـا أبو اثـنـيــــن وإلا العـمــــانـي
وإلا ابـن مجفـل وارد الحـوض لا عيـف = مـودع سمـان الجيـش مثـل السـوانــي
خيـال سـرفـات البـكــــار المشاعـيــــــــف = لا جــــــــــاء نهـار فـيـه كـثـر امتحـانـي
فك الجهامه فـي ضحـى الكـون بالسيـف= من خيل ابن متعب بمــــاضـي الزمـــانـي
والشـاهـد الله والسبـايـا الـمـــــراديـف = وفــارس ولد برغـش زبـون الحصانـي
وإلا نسـول فهيـد راعــي السوالـيـف = مــــــدي علـى العـدوان كنـهـم عـوانـي
ما ياخـذ الـطــــــارش ربـيـع المناكـيـــــف = ويـدي علـى شـــــايـل ثــلاث المعـــانـي
صبـــــح قطيـنٍ باللبـن تـــــقـري الضـيـف= غيـــر اللبـن مــا عنـدهـم زاد ثـانــــــي
وراجع بني عمه وصـاروا علـى الكيـــف = وأدى عليـهـم رحـمـــــــةٍ بخشعــــانـي
مـا لـــــــه مــرام إلا مخـــافـه وتلطـيـــــف= يرحـم ضعـوف النـاس جعلـه جنــــانـي
ذولا هـل الـعــــــادات لا وقــف خلـــيــــف= لا قلـطــــــــوا قــدم السـوانـي غــــوانــي
بنـي عـمـر واّلاد عـامــر مـــزاهـيـــــف = فـوق النضـاء ومكاظمـات العنانــــي
خيالهـم يــروي الغـلـــب والمراهـيــــف = وجموعهـم تـأطـا الغـبـــــاء والبيـانـي
مـن دور وقـت مولعـيـن بالأطـاريـــــف = لــدور يطـمـــــــع بالـيـسـد ثعلـبـــــانـي
والصـدق ينجـي فـي عظيـم المواقيـف = والـكــــــــذب يهفـابـه جـسـور اللسـانـي
وله أيضا :
ياعشيري ترى لولا العيون النظاير=كان جيتك على الوجنا الوحيده وحدها
والله اني على الهزعه غليل الضماير= لو ذلوي من المطراش وان جهدها
مشته مرتك لو كان بيعي خساير=من حسب فايت الدنيا يبذه عددها
مل قلب من الفرقا يسوقه سعاير=مثل ما ساق وسط النارحامي وقدها
ياوجودي على هرجه خفي السراير=وجد خطواالعجوزاللي توفى ولدها
كل ما حل له طاري تهل العباير=كل ما قيل يا مرحوم تصفق بيدها
شبه خلي تقود الصيد لا صار ذاير=عين شيهانة خرسا ليالي هددها
دانة ما احرزوها ما لكين التجاير=عايزة جنس عدم وصفها في بلدها
منقول وأنتم سالمون وغانمون والسلام .