يالمتوهج

[بحر الشوق]

انا عمك وسيدك طور من بعد طور=مير مالك ثمر بعطيك عود شجرة
ايه احشرك وسوقك واضربك بالسيور=وانت جزار لا فارس ولاتخبرة

[المتوهج]

اقر ياصاحبي مادار بين السطور=كل بيتٍ تمعن فيه لاتطمره
دامني دامني جزار فأنته جزور=ومن تعرض طريقي بجزره بجزره

[المسالم]

بحر الشووووووووق × المتوهج


طاروق طيب ستحق المتابعة



واصلو

[بحر الشوق]

صفقو للموهج صار ذيبٍ عقور=عقب ما كان حصني فالحروب بقرة
مير وش لون تجزرني وانت محسور=بيع لحمك على الكيلو ولانحقرة

المسالم لاهنت
وما قصرت

[مروّض]

الأخوه... الأعزّاء

بحر الشوق + المتوهج

يا سلام على المحاوره...أعجبتني مع أنها متأزمه..

و اللي محلّيها أن القلوب نظيفه...و الصدور شماليه...

ابداع في الهجوم و الدفاع...و ابداع في المعنى..

نحن متابعين...و ماسكين الصف...استمروا

تحياتي..

[بحر الشوق]

ان شاء الله انها عوافي يا مروض
لاهنت يا مروض على مسكت الصف
وبيض الله وجهك

[المتوهج]

المسالم

حضورك اطيب ياطيب
،،،،،،
،،،،
،،
استلم يابحر الشوق

ليتك بحملك اللي فوق ظهرك تثور=كان ماصرت من بين العرب مصخره
لوبغيت اضغطك بالحيل دمك يفور=روح والعب مع الورعان لك بكفره

[بحر الشوق]

انت شاعر لكنه فالواقف يبور=نازلٍ فالحضيض ويعتليه غبره
لو تضغط عليه روح ابوك يزور=في العنايه وليده رجله مكسرة

[المتوهج]

الاخ مروض

حياك يامروض
مشكور على المتابعه

،،،،،،،،،،
،،،،،،
،،،،
استلم يابحر الشوق

يالله انك تكافينا جميع الشرور=صاحبي فيه تالي الوقت نوع نعره
مانبي نقلب الدنيا على قرن ثور=مير خلك مع النجار في المنجره

[بحر الشوق]

انت رجلٍ يخاف الشر لاكن صبور=اجحمه بالقنابل مير يا ماصبره
قلبها ماهو بيدك ياهذا النجور= لو في يدك حاجه ما قرضت عشره