ومن فحول الشعر القصيده ذي لشاعر عملاق وقوي للغايه ويكن مخزون شعري عميق
شاعر تضرب في ابياته الامثال اعجبتني والله الاعجاب الذي يستحق هذه الاشاده
اخوي خيال الغلبا ليتني اعرف قائل هذه القصيده ابحث عنه لاهنت وعن شعره
فئنت كفواً لهذه المهمه التي ليست عليك بصعبه
أخي الكريم / شبيه الذيب السلام عليكم ورحمة الله وبركاته وبعد : شكرا جزيلا لك على مرورك الكريم بهذه القصيدة الجميلة مجهولة القائل بالنسبة لي على الأقل ويقول الأخ / أّل سعيد أنها للشاعر / علي المساعد ونحتاج أن نتعرف على هذا الشاعر وفقه الله والله يعافيك ويبارك فيك ويجزاك خيرا ويبيض وجهك يوم تبيض وجوه وتسود وجوه هذا وتقبل فائق الشكر والإمتنان مقرونا بجزيل المحبة والإحترام والله يحفظكم ويرعاكم مع خالص التحية وأطيب الأمنيات واسلم وسلم والسلام .
أخي الكريم / أبو عضيدة السلام عليكم ورحمة الله وبركاته وبعد : شكرا جزيلا لك على مرورك الكريم بهذه القصيدة الجميلة مجهولة القائل بالنسبة لي على الأقل ويقول الأخ / أّل سعيد أنها للشاعر / علي المساعد ونحتاج أن نتعرف على هذا الشاعر وفقه الله والله يعافيك ويبارك فيك ويجزاك خيرا ويبيض وجهك يوم تبيض وجوه وتسود وجوه هذا وتقبل فائق الشكر والإمتنان مقرونا بجزيل المحبة والإحترام والله يحفظكم ويرعاكم مع خالص التحية وأطيب الأمنيات واسلم وسلم والسلام .
وأحد ٍزرع ما نال غيـر الحتاتـه
= الحظ كنـه واقـف ٍلـه معاديـه
وأحد ٍقطف ورد الزمـن وإثمراتـه
= باب البخت مفتـوح دايـم يناديـه
وأحد ٍتساوى في حياته مماتـه
= وأحد ٍيموت وطيّب الذكر يحييه
الوقت لو يومـي عليـك بعصاتـه
= ما هي غريبه منـه هـذي مماشيـه
يا بوي هات اللي يجي منـك هاتـه
= راضيـن باللـي ما تكنـه وتخفيـه
منقول وأنتم سالمون وغانمون والسلام .
أخي الكريم / اّل سعيد العريني السلام عليكم ورحمة الله وبركاته وبعد : شكرا جزيلا لك على مرورك الكريم بهذه القصيدة الجميلة مجهولة القائل بالنسبة لي على الأقل والتي رويت لنا أنها للشاعر / علي المساعد ونحتاج أن نتعرف أكثر على هذا الشاعر وفقه الله إن أمكن والله يعافيك ويبارك فيك ويجزاك خيرا ويبيض وجهك يوم تبيض وجوه وتسود وجوه هذا وتقبل فائق الشكر والإمتنان مقرونا بجزيل المحبة والإحترام والله يحفظكم ويرعاكم مع خالص التحية وأطيب الأمنيات واسلم وسلم والسلام .
إخواني هذا البعض من ألي قدرت اجمعه عن الشاعر علي المساعد
وعجزت أعرف هوية الشاعر أو إيجاد صور له .... وألي عرفته عنه أنه شاعر غزلي بحث
وقد كتبت عنه مجله أسمها وضوح :
( الشاعر علي المساعد يعترف أنه سيد النساء )
وأكثر قصائد هذا الشاعر ... مغناه ... وله كثير من التعاملات مع الفنان الكويتي عبدالله الرويشد
وهذا البعض من قصائده أترككم معها ....
الحال في غيبتك تصعب على الكافر .... لو قلت لي وشلون ؟! أقول الله من الضيقه
القلب مسكين عقبك يكسر الخاطــر .... يا رب وشــلـون شـالـنّـه مـعــالـيـقـه
سافرت عنّـي وعقلـي ودّع وسـافـر .... لو شفت غصن الحشا عقبك نشف ريقه
يا كثر من قال لي إصـبر يجـي بـاكـر .... يـا عـلّهـم للعـمـا فـرقـاك ماطـيقـه
أروح فـدوة لخـاطـر شـعـرك الـثـايـر .... اللـي سـواده مثل حـظي وتـوفـيـقـه
لا يا حبيبي صعبة طيحـة الـشـاطـر .... لا ضــاع دربـه ولا حـصّـل طـواريـقـه
هي ضيقة الصدر وإلا ضيقة الخاطر .... والـلـه مـدري ولـكـن ضـيقـه بـضـيقـه
أترككم مع القصيده الثانيه ... ( رســــالـــــــه )
بعد عشرة عمر راحت .. وليالي طوال من فرقـاك
سـالت وجيـت تشكيـني وتطويـني مـع همـــــــــــك
هـداك الحـظ والا الشـوق والا خانتـك دنيــــــــــاك
غـريبـه انـت هـذا انـت او واحـد مثـل رسمــــــــك
احــبك كثـر ماتطـري عـلى بالي ولا القــــــــــــاك
كثر خوفي عليك ومنك .. وكثر ما اشهق باسمك
غناء عبدالله الرويشد
القصيده الثالثه .. بعنوان ... ( كــويــتــيـــــه )
حرقتي اعصاب اعصابي دخيل الله
جنون .. غيره .. على هالحال يوميه ..
لا من زعلتي قلبتي عالمي كله
وعيوب خلق الله تحطينها فيه ..
ولا من رضيتي تناديني : هلا والله
دنيا عقبك ( علي مساعد ) رماديه ..
اكيد بك شئ او تشكين من عله
لا مستحيل انتي انسانه طبيعيه ..
ياليلي الليل .. لا شفتي علي زله
ساعتها اكره حياة الناس موليه ..
طلعتي الشيب في راسي قبل حله
انا اصبغ الشيب وانتي توك بنيه ..
قلبك واعرفه ضعيف يخاف من ظله
لكن معي تركبك مليون .. جنيه ..
يا ناس .. دربي عجزت القاه وادله
هالبنت .. ماهي طبيعيه .. خياليه ..
لا قلت وشفيه ؟! عقلك صابته خله
قالت وهي تلتفت كيفي كويتيه ..
القصيده الرابعه ... ( عــيــن جــرحـــي )
غصب على عين جرحي اقبل اعـــــــذارك
واسامحـــــــك لونهتني عزتي دونــــــــــك
كثـــــــــر الخطايا بحقي زاد مقــــــــدارك
مع كل هذا واخـــــاف اتخونك ظنونـــــك
لا ترتبـــــــــك لا تحاول تفضح اسرارك
اقراك كـــــلك على بعضك من عيونــــك
يا حلو طيشك مع اعنادك مع اصرارك
ويا قــــوّ باسك ونفس الوقت يا هونــك
مع كل طــــــاري تجيني آخر اخبـــــــارك
واذا نسيتــــــــك تذكرني بك اطعونــــــــك
لا جيـــــــــت ابختار غيرك ارجع اختارك
ولا جيــــت اخونك ازيدك عشق واصونك
عندي خبــــــر جنتي هي بالهـــــوى نارك
بالضبط فيني جنــــــــــــون ٍ يشبه اجنونك
لا يسعني أن أنقل جميع قصائده هنا .. ولكن سأذكر لكم بعض أسماء القصائد المغناة
يخون الود : عبدالله الرويشد
أكيد بأزعل : ذكرى
تنهيها : فيصل الراشد
دنيا الوله : عبدالله الرويشد
ضاع الهوى : محمد المسباح
تبعدنا الدروب : سعود بن سلطان
رساله من إمراه: عبدالكريم عبدالقادر
سواد الكحل : إبراهيم عبدالله
إعتذرلي : عبدالله الرويشد
عين جرحي : عبدالله الرويشد
جاذبيه : علي عبدالله
لا توهميني بالوفا : محمد المسباح
يامن يقول وشفيك وأقول مجروح : ريم
على عيني وعلى راسي : عبدالله الرويشد
الناس : عبدالعزيز الضويحي
لحظات الوداع : أحمد الحريبي
قلت لك يا قلب لا تأمن غريب : عبدالله الرويشد
العيون : عبدالله الرويشد
أخي الكريم أبو عمر الأستاذ / خالد الشماسي السلام عليكم ورحمة الله وبركاته وبعد : شكرا جزيلا لك على مرورك الكريم بهذه القصيدة الجميلة مجهولة القائل بالنسبة لي على الأقل والتي روى لنا الأخ / اّل سعيد العريني أنها للشاعر / علي المساعد والله يعافيك ويبارك فيك ويجزاك خيرا ويبيض وجهك يوم تبيض وجوه وتسود وجوه هذا وتقبل فائق الشكر والإمتنان مقرونا بجزيل المحبة والإحترام والله يحفظكم ويرعاكم مع خالص التحية وأطيب الأمنيات واسلم وسلم والسلام .