منتدى الشعر الشعبي والنبطي ( شعراء الشبكة )قصائد نبطية شعراء قبيلة سبيع الغلباء و الخليج ، دواوين شعرية بالشعر الفصيح و العامي بأجمل الكلمات وأجزل الأبيات
من خميس امشيط في عز الظلام = فوق فكسارن جديدن في مديله
يانديبي باسم ربي سر بعد ربط الحزام =واوزن الموتر بخطن يبتسم من يستويله
كيم الطبلون وتعوذ من اعيال الحرام = كل منهم في عيونه حقد ماتلقى مثيله
عارض الخط السريع وسق بحرصن واهتمام = وارفع ابصوت المسجل باالاحاديث الجميله
واذكر الله في طريقك خير من بعض الكلام = طاعة الله هي سلاحك دونها مابه وسيله
من وسط بيشه تمر ابخط مافيه انقسام =خطن ايوصلك رنيه في سويعاتن قليله
بعدها تمشي بخطن تنجذب له بأهتمام =خط داري جعل واديها يطول في مسيله
لالفيت ابوسطها وقف وبلغها السلام = قلها من بعدها ماشفت لحظاتن جميله
غبت عنها ساعتين وكنها عشرين عام =والمصيبه كيف بصبر لاقضت مده طويله
داري اللي مابساومها ولا برضى تسام =عزوتي فيها وربعي نعم هاذيك القبيله
لاذكرت إني سبيعي زدت طيبه واحترام = في محلي طيب للضيفان واصحاب الفضيله
من رجالن تحتزم فاالقاء وقت الزحام =في نهارن تركز الرايات في راس الطويله
يشهد التاريخ بنا من مخاووين الامـام = يوم توحيد البلاد ويوم الازمات الثـقيله
ومن طمع بحدودنا نسقيه من حر السهام =نارنا تدرج رحاها من وطاها عزتيله
من فعايلنا غدو عدواننا مثل النعام = كل منهم مندفن راسه وسط كوم النثيله
وإن بغيتو طيبنا فنا مناعـيرن كرام = الكرم جانا دخيل ومن نخانا ننتخيله
باالكرم والطيب والاحسان سلمنا وسام = من عصور اجدودنا والطيب نزهاه ونشــيله
ضيفنا لامن لفانا يعجبه حسن المقام = يعجبه فوح الدلال وطيب عودن ينثـنيله
والختام إنا سبيع وروسنا فوق الغمام =ورعنا في وزن شيخ وشيخنا يســوى قبيله
]
بيض الله وجهك الاخ عايض علي هذى القصيده الجزله ونريد منه الكثير
طبع الوفاء من طبع أبوي أكتسبته = وطبع السماحة من خوالي خذيته
.
طبعي كذا ما هوب دور لعبته = الطيب شيد داخل الروح بيته
.
والكره من دفتر حياتي شطبته = وحكمة زماني من شراني شريت
غير متصل
