سبيع المناعير

[سرحان الحميدي]

ياناعم الخدين سيد الغنادير=خبرك قديم ومامضى غيرمحسوب
لاتاخذ الدعوى تخّيل وتصوير=ماهوب انا اللي ينجبر فيك ويذوب
حاول تخلصنا وتخلص على خير=ماينفـع التلميح في رد مكتـوب
اما تروح وجعل دربـك مسافير=وإلا تجي برضاك مافيه مغصوب
ماودنا تبقى كذا دون تفسير=طبعي صريح وعندي الصدق مطلوب
لاتحسب اني جاهل الحب وصغير=تلعّبه الدنيا على كيف رعبوب
وكانك مثل ماقلت ناس مشاهير= ماندعي في حق الاجواد عذروب
لكن هـذا غير واللي حصل غير=والحب مايعرف حضارات وشعوب
واذاغدت لآنساب حجّة وتبرير=هيهـات يادوبك على الخـط يادوب
انا مـن الغلباء سبيع المناعير=قوم لهـم فالمجـد ساحات ودروب
لاساقت الايام حوض المقادير=نشرب بعز وشامخ الراس منصوب

الله الله ياحمـد

صح السانك رائعه بروعة حضورك
تـقبل مرور اخوك
لاهنـت
تحياتيـــــــــــ

[السويدي حمد]

ابن العم

سرحان الحميدي

مشكووور على المرور والاشاده

ويعطيك العافيه على هذا الترتيب

الرائع والذي اسعدني كثيراً ابيض

وجه يابو عبدالله ،،تحياتي

[فتى العزه]

حــمــد الــســويـــدي

صح لسانك

قصيده جزله من شاعرن جزل

سجل اعجابي


واصفقلك من كل قلبي

على القصيده الرائعه

[أبــو فـــراج]

صح لسانك وتسلم على القصيده

[السويدي حمد]

اخوي فتى العزه

يشرفني مرورك وشهادتك وسام على الصدر

سجل اعتزازي بالانتماء الى قبيلة انت منها

بيض الله وجهك وعساك ذخر ،،،

تقبل خالص تحياتي

[السويدي حمد]

اخوي ابو فراج

صح بدنك وتسلم على المرور ،،،

مع خالص تحياتي

[& عاشق الخرمة &]

حــمــد الــســويـــدي

صح لسانك مليار

على هالقصيدة الجزلة

[السويدي حمد]

اخوي عاشق الخرمة

صح بدنك ترليووون مرورك يشرفني

وشهادتك قمة الشرف ...تقبل تحياتي

[عيسى السبيعي]

هههههههههه
مافيك حيله وتستاهل المليون
صح لسانك يالغالي

[السويدي حمد]

ردودكم وإشادتكم أغلى من المليون

لاهنت اخوي عيسى السبيعي ع المرور

وبيض الله وجهك ... تحياتي