تاجـد أذوادً مقيمـه وتاريـخً عـريـب
تحمل اسم(((
سبيع
غلبـا
))) متيـة الجهـام
واحتفال البل واهلها ماهو شـئٍ غريـب
من عوائدنـا وحنـا نقيمـه كـل عـام
من قديم الوقت معنا لها حـظ ونصيـب
وان خذينا جائزتها تـرى ماهـي حـرام
قد كسبناها من القوم في الوقت العصيـب
وقد حميناها بوقـت المعـارك والزحـام
كم مشينا في رضاها وضدينـا الحريـب
نسهج البيـدا نوفرلهـا المـاء والطعـام
نقطع الفرجه ونرعى بها القفر العشيـب
ننـزل الديـره بـدون اتفاقيـة سـلام
خذ هل العشر المردف يابو قلـبَ لبيـب
كمثالً حـي مـا ينطلـي تحـت الظـلام
قالوا الكثره تغلـب الشجاعـه ياعجيـب
قلت لاوالله بعكس المثـل واثبـت كـلام
وش ثلاث الاف في صف والموقف رهيب
هاجموا عشرين ممرور في نقـرةّ سنـام
طاح في ذيك المغاره عشاء حصني وذيب
يوم سيل الدم الاحمـر وتكسيـر العظـام
الله الله عليك الصراحه مادري شقول أخاف ما اوفيك حقك وشهادتي فيك مجروحه
يالمبدع
تحياتي لك يالنشمي