أشوف لي رجل يعدد جدوده = لو إن أبوه وجده أضعف من الـدود
لعـل رحمـة خالقـه ما تـعـوده = وعساه مع زمرة هل النار بخلـود
هـذا زمـان هايـبـات فـهـوده = والناس نادوا عنتره باسم مسعـود
إخواني الكرام / أعضاء ومتصفحي منتديات قبيلة سبيع بن عامر الغلباء السلام عليكم ورحمة الله وبركاته وبعد : إليكم هذه القصيدة من قصائد الحكمة للشاعر الشريف / محمد بن عون العبدلي رحمه الله وأسكنه فسيح جناته ويقول فيها :-
يالله ياللـي كـل حــي ٍ يسـالـك = يا واحـد ٍ كـل ٍ يخافـك ويرجيـك
يا قاسم أنـوال المـلا مـن نوالـك = وقبضة نواصي الخلق كلـه باّياديـك
تفـك عقـد حبـال عبـد ٍ شكالـك = مستبـرم ٍ حبلـه بعقـد الشرابـيـك
بعيد ٍ عـن الدانـي دعـا وإلتجالـك = يا من هو المالـك وحنـا المماليـك
أرمـي بحالاتـي لذيـك التهـالـك = تفرج عن القلب الـذي فيـه تشكيـك
ماله من الحرفـات إلا الدعـا لـك = والحيـل قصّـر والأيـادي مفاليـك
فإلى انقضى عسري بحسن الرضا لك = فاجعل لنا صبر ٍعلى العسر يرضيك
ناشدت داعي البيـن مالـي ومالـك = من كل صوب ٍ كاثـرات ٍ دعاويـك
قال إن هذا الأمـر لا لـي ولا لـك = أمر ٍ قضـاه إلهـك اللـي مسويّـك
لا تعترض أمر القـدر فـي جدالـك = ولا تحسب أن اللي مصيبك بيخطيـك
قسمة حظوظ الخلق قسم السوا لـك = ومكتوب حظك يا الفتى في نواصيك
جـف القلـم باللـوح فيمـا ينالـك = إمـا سعيـد الحـظ وإلا مشقـيّـك
وأنا أشهد إن اللي قد كتب لك ينالـك = يالعبد ربـك باسـم حظـك يناديـك
كـلٍ بتقديـر الولـي طـاب فالـك = إصبـر علـى مـا قـدّر الله ياتيـك
ولا تلوم النفـس فيمـا جـرى لـك = تبور غالـي سلعتـك بيـن أياديـك
ويلومك اللي ما درى عـن حوالـك = ولا درا ويش الدهر محـدث ٍ فيـك
محد ٍ درى ويش الذي صاب حالـك = وما جرى لك مع صديـق ٍ معاديـك
بمكايـده يبـلّـن الأيــام حـالـك = وعن المـوارد قاصـرات ٍ مداليـك
ما شام بك عن ديرتك عـن عيالـك = وما جنبك درب الخطـر والتهاليـك
وين أنت والأقـدار يـوم ارتحالـك = في وسط غبّات ٍ بها المـوج عاليـك
مـرة يميـن ومـرة ٍ عـن شمالـك = والعُـرب والأتـراك تاخـذ بياديـك
إن قيل رد الجيـش واربـط حبالـك = ضاقت علـى أحرارهـا والمماليـك
فاعزم وشـم ولا تضيـق المسالـك = ولا تسوّي يـا فتـى شومـة الديـك
وافهم نبا ما أقول لـك طـاب فالـك = سعد الفتى بالحظ من غيـر تشكيـك
إن جاد حظك باع لك واشتـرى لـك = فوايـده مـن كـل الأبـواب تاتيـك
وإن باربـك دلاّ يـهـزّل حـلالـك = باردى ثمـن يبـدا يبيعـك ويشريـك
وإن جاد حظك بالمجالـس حكالـك = وصدق مقالك كل من لـك يحاكيـك
وإن باربـك كـلٍ يكـذب مقـالـك = وتصير كذبات العـرب كلهـن فيـك
وإن جاد حظك بالمنـازل بنـا لـك = بيتٍ رفيـعٍ شامـخ الطـول يذريـك
وإن باربـك خـلاك تنقـل عيالـك = مـن دار إلـى دار ٍ ودارٍ تجلـيّـك
وإن جاد حظك كل شـيءٍ صفالـك = وقرايـب الخـلان كلـن يصافيـك
وإن باربك بيـن جميـع العـدا لـك = وصار المحب أعـدا عـدوٍ يعاديـك
وإن جاد حظك كـل شـيءٍ عنالـك = ويباشـرك عنـد المـوده ويعطيـك
وإن باربـك ظليـت محـدٍ بحالـك = ولا بفنجـالٍ مـن الـبـن يسقـيـك
وإن جاد حظك قام وأطلـق عقالـك = ومشى معك في كـل درب يباريـك
وإن باربك جـوّد متيـن الثنـا لـك = وعن كـل دربٍ يعقلـك ثـم يثنيـك
وإن جاد حظك كل شيء زهـا لـك = حليـاه بـأرواح المجالـس تزهيّـك
وإن باربـك شيّـن حلايـا خيالـك = لا أقبلت تغضي كـل عيـنٍ تراعيـك
وإن جاد حظك كل شيء أضـا لـك = يشبـه فـم القنديـل نـوره يقديّـك
وإن باربك عـزي لحالـي وحالـك = أرذل رذيـلٍ هافـي الجـد يوذيـك
يا العبد لو كثّـرت حَـث ارتحالـك = وعرّضتها درب الخطـر والتهاليـك
تـازي بـلا حـظ ٍ بعيـد ٍ محالـك = وقلوص عزمـك بالمهامـه تخليـك
تسعين عام ٍ يا فـتى مـا بـدى لـك = أو لاح في بالـك لـزوم ٍ يصافيـك
قل : ول يا حظي على ما جرى لـك = ليا قَلّ عونك مـا اجتهـادك بيغنيـك
إكتب مكاتيـب الشقـا والعنـا لـك = قل : ول يا حظ الشقا أتعبت راعيـك
يا حظ لو ذيب المفالـي عـوى لـك = في مجلس ٍ حاويه صوت ٍ يعاويـك
بقول لو حظـك سعيـد ٍ نمـا لـك = لو عشـرة أولادك عضيـد ٍ يكفيـك
واليـوم لا تامـن يمينـك شمـالـك = يخونك أصدق من صديـق ٍ يماليـك
ولا يغـرك إن لقـاك وحكـى لـك = ولو عطـا لـك كل المواثيـق يرضيـك
خذ الحذر كل الحـذر لـو صفالـك = عيب ٍ على إنك تامن الخصم ياليـك
تحصّن بسوّ الظن وأبصـر بحالـك = واحذر جليس ٍ ضايع الراي يعميـك
من سو طبعه إن حكى بك حكى لـك = يرضي عـدوك بالنميمـة ويرضيـك
راعي المكر والكذب والبوق سالـك = وراعي الثنا ضاقت عليـه المساليـك
يمشـي ورايـه ضايـع ٍ بالمهالـك = لا شاف من دونه على الوكر عاليـك
ما تنظر الأقـدار فيمـا جـرى لـك = شيـوخ القبايـل يتبعـون المماليـك
فاعزم بعـون الله علـى مـا بدالـك = واقصد إله العرش حسبـك ويكفيـك
يا قلـب هيّـد عـن تذكّـر حوالـك = واصبر عسى رب الملا يعتني فيـك
إصبر عسى تعطى خَلَف ما غدالـك = رجل ٍ إلى سامتـك الأيـام يشريـك
يا رب تجبـر واحـد ٍ قـد رجالـك = عند الشدايـد مزبـن اللـي يواليـك
في يوم ما تعطـي يمينـك شمالـك = مثقال حبة خـردل ٍ مـن حسانيـك
تعين مقصودي وأنـا اللـي أسالـك = يا سامع ٍ مـن جـا ببابـك يناديـك
والختم صلوا عـد مـا قيـل فالـك = على النبي المختار ما روجع الديـك
واختام ملفوظـي لنـا فـي مقالـك = أزكى صلاة لهادي الرشـد هاديـك
هذا والله يحفظكم ويرعاكم منقول مع خالص التحية وأطيب الأمنيات وأنتم سالمون وغانمون والسلام .
غير متصل
رد: يالله ياللـي كـل حــي ٍ يسـالـك = يا واحـد ٍ كـل ٍ يخافـك ويرجيـك
