رد: الشاعر الكبير الأمير / محمد بن أحمد السديري رحمه الله
كُتب : [ 26 - 10 - 2009 ]
بسم الله الرحمن الرحيم
إخواني الكرام / أعضاء ومتصفحي منتديات قبيلة سبيع بن عامر الغلباء السلام عليكم ورحمة الله وبركاته وبعد : إليكم هاتان القصيدتان الغزليتان الجميلتان والمعبرتان وقد وجدتهما في أحد المنتديات وقد نسبتا للشاعر الكبير الأمير / محمد بن أحمد السديري رحمه الله وأسكنه فسيح جناته ويقول فيها :-
يا زين أنا أحبـــــك ولا فيه منقــــــود =حب ورا حب تعدا العبــــــــــاده
زولك يصور لي باليــــام والســـــود =وأنا على فرقاك مالي جــــــــلاده
بعدك عليّ يزود الوجـــد بالكــــــود =وقربك لقلبي هو شرابـــه وزاده
يا زين عن غيرك من الناس بك زود=ومن عاندك بالزين شاف القراده
عيني تشوف إن الحلا فيك ماجــود=وعليك قلبي جوهر الزين قــــاده
يا زين عن غيرك ترا الباب مسـدود=بعض العرب نفرح بيوم ابتعـاده
والزين قبلي ما صبر عنه يعقــــوب =أذنب وواصل بالغرام اجتهـــاده
قالوا علامك باكي قلت مطعـــون =شوفوا نزيف الدم مني تتــــالى
قالوا من اللي صوبك قلت عافون =قالوا عدوك قلت يا نـــــاس لالا
هذا الحبيب اللي له القلب مرهون =هذا حيات الروح بدر الكمــالا
يا عـــاذلين القـــلب لالا تعذلــــون =وحيات رب فوق عرشه تعالا
إني فلا أنسى واحـد فيه مفتـــــون =بيني وبينه نازح البعد حـــــالا
فتان صاب القلب كون بأثر كـــون =مملوح أخذ كل البها والجمـالا
كنه إلى حرك قوامه على الهـــون =غصن إلى هب الهوا فيه مـالا
قلبي لقبله لو تنحيت مرهــــــــون =غيره حرام ونور عيني حلالا
هذا والله يحفظكم ويرعاكم منقول مع خالص التحية وأطيب الأمنيات وأنتم سالمون وغانمون والسلام .