عشر قصايد جزله

[ابن قطنان1]

بسم الله الرحمن الرحيم

السلام عليكم ورحمة الله وبركاته

هلا والله ومليون غلا

اليوم انا جايب عشر قصائد جزله وانتوا تستاهلون القصيد الجزل

الأولى:.

غاسل ٍ كفـي مـن مصافحـة بعـض اليديـن
وقافـل ٍ بوجيـه أهلها صناديـق البـريـد

وشايف ٍ شي ٍ لي أعوام مالـي فيـه عيـن
وقاطـع ٍ خيـط الهقـاوي بسكيـن الوكـيـد

وخالص ٍ من طيـب ضـن ٍ موهقنـي سنيـن
وظاهر لي عقب عرف العـرب عقـل ٍ جديـد

وطايح ٍ من عيني ارجال عنـدي كـان ويـن
وحاقـر ٍ منهـو يقـيـس الأوادم بالرصـيـد

ومحتمي ٍ من غدر الأصحاب في حصن ٍ حصين
ولابس ٍ لرماح الأقراب ثـوب ٍ مـن حديـد

وماضي ٍ منـي علـى اللـي تمشينـي يميـن
ما تجي منهو قريـب ٍ والـى احتجتـه بعيـد

المواقـف تشخـل النـاس والطيّـب يبـيـن
كل عـام يطيـح تسعـه ويصفـا لـي وحيـد

اشهد أن خيـر المـدارس تجـارب الأولين
واشهد ان راي التجارب هو الـراي السديـد

واشهد انـي للبـلاوي علـى الدنيـا مديـن
كـل مـا راجعـت نفسـي طلعـت المستفيـد

وانت ياللي عقبك الزين بيـن البيـض شيـن
مستحيل يطوفك الشعر وانـت اصـل القصيـد

القصيـده فـي عيونـي بدونـك مـا تزيـن
لازم ان اجيـب طاريـك يـا ملـح النشـيـد

انت ياللي مـن بطيـن الفـؤاد الـى الاذيـن
والله ان حبـك مـع الوقـت ما ينقص يزيـد

في غيابك لـك محبـه ولـك شـوق وونيـن
وفي حضورك شف عيوني كلامـي مـا يفيـد

اقهـر الضيقة بذكـراك مـن حيـن لحيـن
وانثر دموعي على الوصل مـن عيـد ٍ لعيـد

لك غلا ً سبحـان ربـي ملـى الدنيـا حنيـن
ولك وفا ً سبحان ربـي مكـن فالكـون غيـد

شف مكانك فـي مكـان ٍ عـن العالـم دفيـن
في مكان ٍ مـن ورى مثـل عيـدان الجريـد

مكرم ٍ حبـك ولـه فالحشا سمـن وسميـن
يقدع من الحـال واصـب لـه بـن الوريـد

افتضحت مـن الهواجيـس بـك فالمسلميـن
كل من سولف علي قلت له وش قلت؟ ..عيـد

الهوى سجن العشاشيـق وأنا لـك سجيـن
وودي ان سجني مؤبـد ولـي حـارس وقيـد

عزتي لي مـن فراقـك عسـى ربـي يعيـن
ادري انه فـي طريقـي ولـو وصلـك مديـد

صابر ٍ غصبا ورى الخشم لو جرحـي مكيـن
ودي افعـل لكـن الله يفـعـل مــا يـريـد


الثانيه:.


بعض العرب ينسا زمانه ولا دّر
مدري جهل والا تعالي علينا
ون كان نفسه اغوته مابها شّر
بيتين ذكرى تنفع الغافلينا
الطيب مايختّصْ به حد يذكّر
ومزارقه نوماس لطيبينا
ون كان صدره من عنا الغيظ يزفّر
هفة مهف الي مضى من سنينا
حنا مع اهل الطيب ناقف ونظفّر
ومن صد عنا عنه حنا سلينا
والي نوانا بالقشر يبشر بشّر
حنا صعوط أهل القشر لابغينا
ماظاع حق (ن) لو بعد حين يذكّر
لامن نوينا ويل من هو نوينا


الثالثه:.



اختـار سمحـات الـدروب النظيفـة .... اللي غسلها رايـح المـزن برشـاش
يمشونهـا قـوم النفـوس الشريـفـة .... اللي ضمايرهـم نقيـة كمـا الشـاش
ابيوتهـم مثـل الحصـون المنيـفـة .... ما هي لطير البوم غيران واعشـاش
واحلالهـم للضيـف دايـم مريـفـه .... لو رجلهم يسرح ويضوي على مـاش
والرجـل منهـم مـا يخلـي رديفـه .... إن ما ت مثله مات وان عاش له عاش
وان مات منهم رجـل عقـب خليفـه .... يطعن نحور القـوم ويـرد الادبـاش
يعرف هدف روحه ويعـرف وليفـه .... ما يعرف الخونـة ولا هـو بغشـاش
وليـا رزقـه الله بعـذراء عفيـفـة .... ايحطها مـا بيـن نونـه والارمـاش
ماهو على الخفـرات يستـل سيفـه .... وان طالعوا فيـه الرياجيـل ينحـاش
حلـو النبـا سمـح المحيـا لضيفـه .... ويصير له خـادم مسخـر وفـراش
وان مـد مـا مـدت يمينـه قصيفـة .... مدت يمينـه تبهـر الخبـل والـلاش
واليا هـرج تلقـى علومـه طريفـة .... ما هـو لهفـوات المناعيـر منقـاش
وان شبت النيـران مـا هـو بليفـة .... في ساعة الكربـة سـواي ورشـاش
سده بعيد ولا أحـد يعـرف غريفـه .... ولا هو لعرض المكرم العرض نهاش
والشوك في جنبـه سـوات القطيفـة .... إن كان ما له بيت مامـون وافـراش
ما يرتكي فـوق الخبـول الضعيفـة .... اللـي ليـا حركتهـا قدرهـا طـاش
وان جـا نهـار كـل قـرم يعيـفـه .... ما هو ليا ثارت على القـوم رمـاش
الكذب يعرف بيـن الأجـواد زيفـه .... والصدق مثل السيف صاطي وحشاش
وصحيفتة يـا طيبهـا مـن صحيفـة .... ولهـا مـن العقـال كاتـب ونقـاش
حـاز المراجـل والمراجـل كليفـة .... الا على اللي كل مـا رامهـا هـاش
وان شاف له من جانب القـوم خيفـة .... تلقـاه للخيفـة مهـاجـم وبـطـاش
الصدق والمعـروف والطيـب كيفـه .... ويغبش لها مع طلعة الفجـر مغبـاش
للحمل مـا تلقـى جنوبـه صخيفـة .... حوله بروق تعمـي العيـن وافـلاش
يصبر على جرحـه ويمسـح نزيفـه .... طبه بشبه خير مـن طـب الاحبـاش
ولا هو كمـا سبـع سنونـه ضعيفـة .... دايـم يلحسهـا وللعظـم عــراش
وان شاف له في غيبة النـاس شيفـة .... ما هو بخبل لاخضر العـود قـراش
دنيـاه لـن صـارت ذلـول عسيفـة .... طوع علهـيا كـل عاصـي ونفـاش
وان كان قفـت مـا عليهـا حسيفـة .... ولا هو ورا هوج المعاصير قشـاش
وان جاع ما وقع كمـا طيـر جيفـة .... وان عري ما يلبس سماليل وأخيـاش

الرابعه:.

يقول من يشفق على النوماسي ويمشي مع اللي دايمٍ يمشونه
ولايقبل النمام والبلاسي ولابينهم في كل مبدا مونه
ويشوم عن درب الردي والخاسي واكيد هم عن صفهم ينفونه
مع الرجال الوافيه مجلاسي اللي مباديهم تجي مضمونه
مامنهم اللي للمراجل ناسي مسيرهم بالطيب ما ينسونه
ويبعد عن الخراط والهلاسي اللي مقام الطيب يجلس دونه
راع الردا يصبر على الافلاسي وجدواه ينظر حاقره بعيونه
وامره ماهو بالمجتمع حساسي ويقبل شروط الذل والمهونه
به فرق بين السيف والامواسي واهل الوفاء تاريخهم يحمونه
افعالهم وامجادهم له ساسي وقصر العلا بايمانهم يبنونه
وانا خوي اهل الوفاء والباسي اهل العزوم وسير ةٍ مامونه
خوة هل الطولات ترفع راسي والنفس بالخوة لهم ممنونه
ماخاب من هو للوفاء غراسي اهل الزراعه دايمٍ يجنونه
والياحصل لاصحابهم لولاسي صديقهم بارواحهم يفدونه
اما ضعوف القوم والاهياسي تاريخهم فعل الردا والخونه


الخامسه:.

العلم يابن معيض في غبته ضاع
بين الوكيل ومرخصين الوداعه
الصمت طرقي والعرب صابها صداع
سلاح ذوحدين في ظرف ساعه
مااني سياسي لكن الوقت ماطاع
الزم علي الصمت والسمع طاعه
انت فهيم وعارف(ن)كل الاوضاع
لو الوكاد السوق ما به شفاعه
ماسقتها للسوق طامع وبياع
والنفس معطيها الكريم القناعه
ولاجيت اشوذ في حلال(ن)لنا ضاع!
لوالخلا فجه تعاوى سباعه
صدام مات وباقي لحزبه اتباع
عساه للجنه شهيد الشجاعه
عزة من الخمسين زادت به اوجاع
احداث من عامين زادت اوجاعه
لمن ذكرشوفه قصرلابس قناع
عقب الشموخ اليوم يلبس قناعه
والحرما تقصر يمينه لياجاع
يشبع بمخلا به اليا مد باعه
اليوم ياابن معيض لاتلوم جزاع
وانته على اهل الصنف تفرض ايقاعه
شاعر وللمعنى قوافيك تباع
تشوق عشاق النشيد استماعه
والحرما تقصر يمينه لياجاع
يشبع بمخلا به اليا مد باعه

السادسه:.

بسم الله ابداء في كلامي واثنّيه
واقول هرجن مايبي له اطلابه
عليك بالطّيب لزومن تراعيه
اللي بوجهك ما يكشّر انيابه
والا الردي جنّب وحذرى تماشيه
تراه بين الناس ماله مهابه
وايضاء ابووجهين لاتقتدي فيه
تراه من ربعك يجيب السبابه
وهرج المنافق انتبه لاتودّيه
هذاك بين الناس مابه طبابه
واحذر من اللي كابراتن علابيه
تراه قاعن مايفيدك سرابه
وترى البخيل ابخيل لوتعطي ايديه
جنّب عنه لابوه لابوجنابه
يقوله اللي مقفياتن خطاويه
اللي من الدنيا مجهّز زهابه


السابعه:.

إيه بدوي يا بنت لين وصلابه
إيه بدوي ماأذل نفسي واناحي
البل لنا نوماس ما هي معابه
يا اللي حياتك دون ماضي ولاشي
ريحت عبسهن عطر يقبل ثيابه
يا عزذودن ريحها قا طع(ن)في
عز(ن)لاهلها إيه ياروح بابه
رمز الوفاء والجود موروث من طي
لمن لفان الضيف يلقى رحابه
ثم حلبت الخلفات في حزة عشي
يصفي مزاج اللي تعكر شرابه
ويضحك حجاج اللي شكا الهم يامي
إيه بدوي الدار مغلي ترابه
إيه بدوي حب الوطن ساكنن في


الثامنه:.

ياسعود مالي بالردى واهله شف
النفس شيهانه على كف نايف
ماهزه الغربي ولا الجفن له رف
ولا حركو فيه شعره يا بن هايف
من لابٍة(ن)ماهابت الجيش لوصف
على النقاء ماهي علوم طرايف
لا شك عن كثر اللغى دايم نعف
وعن الردى ومطارد اللاش عايف
ماني صغيٍر(ن) واحمل العقل بالكف
الله عطى والله وهب وانت شايف
احفظ وقاري يافتى الجودواعف
عن ناس ما يلحق عليها حسايف
لثقل صنعه والحمل شاله الخف
وشعيل يرزم ماشكى الوقت خايف
من شان كسب الطيب والطايله شف
وكسب الردى لأهل الردى يابن هايف


التاسعه:.

المرجله ماهي سواليف ومزوح
المرجله تبغي رجالن قرومي
مايحصّله رجلن على المال مشفوح
ومايحصّله خبلن خبيث العلومي
المرجله يبنا لها عز واصروح
افهم كلامي ياحسين السلومي
لاجاك مسكينن من االفقر مجروح
اعطه من الميسور وهو امحشومي
مذكور حق الضيف والجار باللوح
وايضا اليتامى ياقوي العزومي
ومالن بلا بذلن عذابن على الروح
تكوابه اجنوبك بنارن سمومي
بعض العرب يمشي ولاكن تقل لوح
يقلّب اعيونن تقل شكل لومي
عساه يونس وسط قلبه تقل فوح
وعساه يضرب فوق راسه بشومي


العاشرة (الأخيره):.

عزيل من رافق مقاريد ورخوم
سود القلوب اللي من الحقد مليا
اللي سوالفهم كما ريحة الثوم
يغلون من طيب الأجاويد غليا
من بينهم كني غريب من القوم
وهذي سوات اللي نواياه عليا
وين الرجال اللي مشاكيل وقروم
مثل الحرار اللي براس الجبليا
شقر الحرار ولا يقرب لها البوم
ولاهيب تنزل فوق حدب السهليا
مثل الذي جنسه مع الناس معدوم
صادق ولامن قال هرجه فعليا
أبو محمد طيب الراس شغموم
وافي ولامن غبت عنه أتصليا
يا خوك عيني حاربت لذة النوم
وعلي السهر يا خوك صعب أحتمليا
لا يا فهد قلبي له أيام مهموم
وأنا علي الله ثم عليك أتكليا
أشكي وكني ساري الليل منجوم
ولا يشيل الحمل كود الجمليا
أمن الكسل كني لي أيام محموم
لكن لا شفتك يروح الكسليا
يا شيخ ويش الراي في جيلنا اليوم
ويش الحلول الصايبه والعمليا
الحر هذا الوقت ما يدرج الحوم
والبوم في قمة جبلها نزليا
والسيف من جور الزمن صابه أثلوم
حتي الكديش اليوم شاش وصهليا
ولانيب من رفقة هل الطيب محروم
مثلك يكفي لو ضربت المثليا
وأدري بصدقان الرخي فالرخي كوم
ويا قلهم يا شيخ وقت الصمليا
أن جاء نهار(ن)فيه همات وعزوم
فيهم على ما قيل خاب الأمليا
صحيح للعالم تقاليد وسلوم
غير الحثاله من صحبها حثليا
والناس تكره من به الكبر والزوم
مهذار وجهه ما يعرف الخجليا
وليا دعيته يقعد شوي ويقوم
وأن سمع له هرجه لغيرك نقليا
قلته وأنا ماني علي اللاش ملزوم
الأرض للطيب وسيعه وخليا
لا صرت لا ظالم ولا نيب مظلوم
وما همني هرجة عذول(ن)عذليا
وشرواك من روس القبايل معي دوم
كم واحد(ن)لا غبت عني سأليا
وألا الردي من رافقه يلحقه لوم
أدنات كلمه منك صد وزعليا
لو كان يملك مال كامل وجمجوم
فرقاه فوق الكبد مثل العسليا
ولا خير في رجل(ن)بغيض(ن) ومذموم
اللي ليا جوه الطراقي بخليا
أمن البخل وده تروح السنه صوم
همه علي الدنيا يصر الهلليا
جتك القوافي كنها بارق أغيوم
وألا كما مخزون بيت النحليا
فيها من الحاضر سواليف وعلوم
عن ما جري يا شيخ واللي حصليا
والختم صلي الله علي خير معصوم
كسر صنم مكه وأزال الجهليا

تحياتي

ابن قطنان1

اعتذر لكم جميعا عن انقطاعي

.

[خالد الشماسي]

هلا بك وشكرا على النقل

لمن القصائد ؟

[مترك ثواب]

قصائد جزلة وناقلها اجزل لا هنت ياابن قطنان

[ابن قطنان1]

ابو عمر الله يطول لي عمرك القصائد فيه منها قصيدتين لشاعر من قبيلة السودة اما الباقي والله مدري

مترك ثواب ولا تهنون بيض الله وجهك

[نواف بن هليمه]

المرجله ماهي سواليف ومزوح
المرجله تبغي رجالن قرومي
مايحصّله رجلن على المال مشفوح
ومايحصّله خبلن خبيث العلومي
المرجله يبنا لها عز واصروح
افهم كلامي ياحسين السلومي
لاجاك مسكينن من االفقر مجروح
اعطه من الميسور وهو امحشومي
مذكور حق الضيف والجار باللوح
وايضا اليتامى ياقوي العزومي
ومالن بلا بذلن عذابن على الروح
تكوابه اجنوبك بنارن سمومي
بعض العرب يمشي ولاكن تقل لوح
يقلّب اعيونن تقل شكل لومي
عساه يونس وسط قلبه تقل فوح
وعساه يضرب فوق راسه بشومي


اواشهد انك من الرجال القرومي تقبل مروري

[ابن قطنان1]

ماعليك زود والله لا يهينك

[من دون وجاى]

صح لسان قايلها وكاتبها بالمنتدى

[ابن قطنان1]

صح بدنك

[قوي الشكيمه]

الثالثه:.



اختـار سمحـات الـدروب النظيفـة .... اللي غسلها رايـح المـزن برشـاش
يمشونهـا قـوم النفـوس الشريـفـة .... اللي ضمايرهـم نقيـة كمـا الشـاش
ابيوتهـم مثـل الحصـون المنيـفـة .... ما هي لطير البوم غيران واعشـاش
واحلالهـم للضيـف دايـم مريـفـه .... لو رجلهم يسرح ويضوي على مـاش
والرجـل منهـم مـا يخلـي رديفـه .... إن ما ت مثله مات وان عاش له عاش
وان مات منهم رجـل عقـب خليفـه .... يطعن نحور القـوم ويـرد الادبـاش
يعرف هدف روحه ويعـرف وليفـه .... ما يعرف الخونـة ولا هـو بغشـاش
وليـا رزقـه الله بعـذراء عفيـفـة .... ايحطها مـا بيـن نونـه والارمـاش
ماهو على الخفـرات يستـل سيفـه .... وان طالعوا فيـه الرياجيـل ينحـاش
حلـو النبـا سمـح المحيـا لضيفـه .... ويصير له خـادم مسخـر وفـراش
وان مـد مـا مـدت يمينـه قصيفـة .... مدت يمينـه تبهـر الخبـل والـلاش
واليا هـرج تلقـى علومـه طريفـة .... ما هـو لهفـوات المناعيـر منقـاش
وان شبت النيـران مـا هـو بليفـة .... في ساعة الكربـة سـواي ورشـاش
سده بعيد ولا أحـد يعـرف غريفـه .... ولا هو لعرض المكرم العرض نهاش
والشوك في جنبـه سـوات القطيفـة .... إن كان ما له بيت مامـون وافـراش
ما يرتكي فـوق الخبـول الضعيفـة .... اللـي ليـا حركتهـا قدرهـا طـاش
وان جـا نهـار كـل قـرم يعيـفـه .... ما هو ليا ثارت على القـوم رمـاش
الكذب يعرف بيـن الأجـواد زيفـه .... والصدق مثل السيف صاطي وحشاش
وصحيفتة يـا طيبهـا مـن صحيفـة .... ولهـا مـن العقـال كاتـب ونقـاش
حـاز المراجـل والمراجـل كليفـة .... الا على اللي كل مـا رامهـا هـاش
وان شاف له من جانب القـوم خيفـة .... تلقـاه للخيفـة مهـاجـم وبـطـاش
الصدق والمعـروف والطيـب كيفـه .... ويغبش لها مع طلعة الفجـر مغبـاش
للحمل مـا تلقـى جنوبـه صخيفـة .... حوله بروق تعمـي العيـن وافـلاش
يصبر على جرحـه ويمسـح نزيفـه .... طبه بشبه خير مـن طـب الاحبـاش
ولا هو كمـا سبـع سنونـه ضعيفـة .... دايـم يلحسهـا وللعظـم عــراش
وان شاف له في غيبة النـاس شيفـة .... ما هو بخبل لاخضر العـود قـراش
دنيـاه لـن صـارت ذلـول عسيفـة .... طوع علهـيا كـل عاصـي ونفـاش
وان كان قفـت مـا عليهـا حسيفـة .... ولا هو ورا هوج المعاصير قشـاش
وان جاع ما وقع كمـا طيـر جيفـة .... وان عري ما يلبس سماليل وأخيـاش



الله الله

لاهنت على النقل
اخوي ابن قطنان1 قصائد كلها
جزززله ومنقاه من اجززل ماقيل بالشعر
وحسن اختيارك يدل على براعة معرفتك بالشعر
وانتقاء اجمله واجزززله لاهنت تقبل شكري وفااائق تقديررري

[ابن قطنان1]

لاهنت وبيض الله وجهك يا قوي الشكيمه