احبها لو قالت اني مودك = واعشق دلعها نور عيني ولو زاد

[معدي المرقاب]

احبها لو قالت اني مودك = واعشق دلعها نور عيني ولو زاد
ياسيدي افرح ولاحداً بقدك = صاحبك ما يسمع هروجاً ونقاد
ولو كل من في الارض ياقف بضدك = ماني مصدق فيك واشي وحساد
سلمت لك روحي رهينة بيدك = واعلم ترا ماني عن الحال نشاد
همي وغاية مطلبي كسب ودك = وليا حصل ماني باللفضل جحاد
هذا منى نفسى ولا بغى مصدك = خلك عطوف وكثرت الصد مافاد
مدامنى مابين جزرك ومدك = مافية داعي نطلب الناس الامداد

[مروّض]

يا معدّي المرقاب...

لا تطوّل فوق..أخذ لك عسّه و حوّل...تري التفكير واجد ما يفيد

الا اذا كان في مرقاك قصيده ثانيه مثل هذي..فخلّك الليل كلّه

أبيات جميله و رقيقه...أمتعتنا فيها

همي و غاية مطلبي كسب ودّك=و اليا حصل مانيب للفضل جحاد

و دمت أخي..

[بعيد النظر]

هذا منى نفسى ولا بغـى مصـدك=

[معدي المرقاب]

اخي العزيز مروض
شكراً لمرورك وتعليقك
تقبل خالص تحياتي وتقديري

[معدي المرقاب]

اخي العزيز بعيد النظر
الف شكر لمرورك الكريم على القصيدة
وصح بدنك ووجهك ابيض وتعليقك على الموضوع هو الاروع
تحياتي وتقدير لك اخي الكريم

[اخو شما]

مدامنـى مابيـن جـزرك ومـدك
........................مافية داعي نطلب النـاس الامـداد

الله الله وش ذا ياولد كله
صح لسانك يالذيب ولاعدمناك
لاتبطي علينا بالجديد الله لايهينك

[الدهمشي]

مساكم لله بالخير يااخوني الاعزاء هذي اول مشاركة لي في هذا الموقع الطيب

ومشكور يااخ معدي المرقاب على القصيدة وصح لسانك ..

اخوكم الدهمشي .

[ابن جـــــــراح]

معدي المرقاب

صح لسانك وسلمت يمينك

لا تحرمنا من جديدك يا معدي

تقبل خالص تحياتي

اخوك بن جراح

[المولع]

معدي المرقاب

الله يمسيك بالخير

صح لسانك واقف هنا متذكراً الشاعر حجاب بن نحيت وقوله :
وجدت الهوى نوعين ناراً وجنةً..............واسف لهم ثالث يسمى المذبذبا
ناراً اذا حبيت شخصاً ولا درى ................والا درى وازداد عنك تهربا

ما اقول الا الله يعينك ويجيب لك من تهواه
صح لسانك ولاتطول غيباتك

ولك تحياتي

[البدر]

مدامنـى مابيـن جـزرك ومـدك
مافية داعي نطلب النـاس الامـداد

معدي المرقاب

صح لسانك ملاييييييييين وسلمت يمينك

ولا تحرمنا من جديدك طال عمرك .

تقبل خالص تحياتي

اخوك البدر