الى جازي ابن ذعار السبيعي (( ابو فلاح جازي))

[متعب العتيبي]

الاخوه بمنتديات سبيع الغلباء تشرفت بالانضمام لكم بهذا المنتدى الذي جمعكم تحت سقف واحد ومصافحة الاولى لكم هي قصيده وجهتها لصديقي جازي بن ذعار الفقيه الثوري السبيعي

ولقد نزالت القصيده كذلك في منتديات عروس الجبال


قم يانديببي فوق من يبعـد الـدار
جيب(ن) جديد ويطرب البال مسراه
نصه لدار مكرم الضيـف والجـار
خوينا الي مـاش مثلـه وحليـاه
كساب طيـب وللمناعيـر تذكـار
يذكر بطيبـه والمناعيـر تنصـاه
يوم(ال000) كع ورتـاع وحتـار
وقالوا علاك بطيب الاصل والجـاه
وقام وتزهل وعتزا نسل الاحـرار
ورد المطيري عقب ياسه وبلـواه
والغى القرار وكن ماصاري(ن)صار
ابو فـلاح تقـدم الطيـب يمنـاه
في مجلسه تلقـا قرايـب خطـار
ودلال رسلان(ن) على النار مركاه
والعود الازرق وسطهم سيق واندار
قرم(ن)كريم ويوصل العلم منهـاه
تلقا الشحم عنـده الياجيـت زوار
عطه الكتاب وقـل ترانـا فقدنـاه
نفقد ارجال العز والطيـب والكـار
اهل الشكالـه والبيـوت المبنـاه
مني شهادة حـق توقيـع وقـرار
أنه يحوز الطيب مثلـه وشـرواه
سلايل (( الغلباء)) طولين الاشبار
عز الضعيف الـي زمانـه تحـداه
وختامهـا منـي تحيـه ومعـذار
وصلاة ربي عد وبل(ن) نثر مـاه
على النبي المصطفى سيد الاخيـار
محمد الهادي رسـول(ن) تبعنـاه


اخوكم
متعب بن شقير الروقي العتيبي

والشكر كل الشكر

[ماجد الشماسي]

متعب بن شقير الروقي العتيبي
صح لسانك طال عمرك
ومرحبابك تراحيب المطر في منتداك
وبين اخوانك
ونحن بانتظار المزيد

[فهد الغلبا]

مرحبا ياعتيبي ويستاهل الثوري

عندي سوال لوسمحت هل انت ابن الشاعر الكبير شقير الجذع العتيبي

[متعب العتيبي]

اخوكم متعب شقير ضيف الله الروقي العتيبي من ساكن الطايف وشتغل في الحرس الوطني السعودي

[خالد الشماسي]

صح لسانك وسلم نبضك و بنانك


قصيدة رائعة في رجال يستاهل


بيض الله وجهك ولا عليك زود