القعايده والدهاسي يقومون حفله في رنيه لقدوم جماعتهم من رماح ...........

[أبو حمود]

جعله على القوة يالقعايده وماهي غربية منك
والموضوع كرامة تفعلونها ويستاهلون ضيوفكم
والكذب بعيد انشاء الله وله فينا ولا منا ممكن انه التباس
عند الأخ حسن والعلم على كل حال يطلق الوجه .. ولاتنسى الي وصيتك
فيه يالاحر الابيض اتجيبه من الديره ,,,,,,,,,,

[الحرألأبيض]

الاخ/مورد الهايب
الــــــــــــــــــــمــــــــــــــــــــعـــذره
النخل مابعد جاء فيه خرفه لكن ابشر بشريلك من سوق التمر
لاجيت انشاء الله الرياض
وشكرآ لك على المشاركه الطيبه التي تدل على اصالة معدنك
اخوك الحرألأبيض

[ابن قعيّد]

ابرك الساعات ياالغالي
يا الحر الابيض ...........يا ملك

الساعه المباركه والله لى الشرف اني اعرفك وصدقني ابرد عليك بس عطني بعض الوقت وترى اخوك عليمى في الكمبيوتر.

احلى تحيه لك

[الحرألأبيض]

استكمالآ لما سبق ان ذكرته في مناسبه حفل القعايده...
اطرح لكم بعض من القصايد التي اقيمت في المناسبه
وهي قصيده لشاعر/محمد بن نافل ابن حطاب الثوري السبيعي
في الشيخ/سعود بن حمود ابن قعيد العامري السبيعي

ســلام ياشــهـم تربى على الطيب **** ســلام يـارجــل عــزيــز وغــالـي تــعــيش يـاحر تعلى الــمــراقـيب **** حـر ولـد حـر على الـرجــم عـالي يـحـتـار فيه الشعر شرقآ وتغريب **** رجـل عـزيــز الـنـفس ماله مثالي معروف بالوقفات راعي مواجيب **** صلفآ على الصكات مابه جـدالي قـصـدي سـعود ولابها شك وريب **** سـعـود ابن قـعـيـد ابن الـرجـالي ابن الرجال اللي توف الـمطاليب **** شـيـخـآ ولد شـيـخـآ ونال المعالي ومدرب في كسب الامجاد تدريب **** تـشـهـدله الافـعـال بـاول وتـالـي مـشـهـور عند اصحابنا والأجنيب **** تقول نجم الجدي قطب الشمالي واول كـلامـه يـبـتـدى بالـتـراحيب **** ضـارعـلـى الـترحيب قرم العيالي وصلاة ربي عـد ذاري الهبـاهـيب **** وعـد الـنـجوم وعد طلع الهلالي على شفيع الخلق في يوم صعيب **** عـنـد الـولـي ربـي عـزيز الجلالي و سـلام يـاشـهم تربى على الطيب **** سـلام يـارجــل عـــزيـــز وغــالـي

وسوف اذكر انشاء الله القصايد ألأخر التي اقيمت في هذي المناسبه لاحقآ

[حسن السبيعي]

الحر الأبيض مسألة الكذب في هذا الموضوع غير وارده لأني اقرب للقعايده من الدهاسي هذا اول شي ......

وثاني شي انا يمكن اني نقلة المعلومه بالخطاء وهذا اجتهاد مني ....

والمطلوب منك انك تعدل لي المعلومه ولا تنعتني بالكذب وانا ماكتبت الشي هذا
الا لأني متنومس باأبناء عمي .......

الله يهديك يالحر الأبيض الي مثلي مايقاله يكذب وانا ارفع نفسي وسمعتي

وهلي من ان ادخل معك في كلام مثل هذا .......

>>>>>> حكيً على غير النشاما غثا بال<<<<<<<

[ابو ناصر العطاف]

المشاركة الأصلية كتبت بواسطة الحرألأبيض

استكمالآ لما سبق ان ذكرته في ردي على مشاركة الاخ/حسن السبيعي
حول ماذكره لحفلة القعايده والدهاسي في رنيه
اولآ: نقول له اذا كان اسمك حسن فليكن
خلقك حسن ولتتحرى الحقيقه وتذكر الصدق وتتجنب خلط الأمور والتشويش على حقوق الرجال ولعلك تعرف الأثم الذي يترتب على ذالك
ثانيآ:الحفل لم يقام في رنيه كما ذكرت بال اقيم في الغريف بالخرمه
واقامه سعود بن حمود ابن قعيد واخوانه وقد حضر هذا الحفل العديد من مشايخ وعيان
قبايل سبيع والبقوم والشلاوى واباالحارث وعتيبه وسليم وحرب
وقد اقيم بهذه المناسبه امسيه شعريه: احياها عددآ من الشعراء منهم:
الشاعر/مرزوق بن غازي السلمي
الشاعر/بعيد الهقاوي
الشاعر/مناحي ابن موفي السبيعي
الشاعر/عليان ابن محمد السبيعي
الشاعر/ محمد ابن نافل السبيعي
الشاعر/ بجاد القصاص السبيعي
الشاعر/ حميد الذيابي
الشاعر/طامي البقمي
وغيرهم وسوف اذكر بعض القصايد التي اقيمت في هذي المناسبه لاحقآ
وقد تم توثيق هذا الحفل وتصويره من قبل مكتب ابن دعال بالخرمه لمن اراد زيادة في الطلاع
ثم اقام راشد ابن راجح ابن قعيد واخوانه حفل غدا في اليوم التالي بمزرعتهم بالغريف
لنفس الضيوف
ثم بعد ذالك جاءت مناسبة زواج احد افراد اسرة القعايده
ثم اقيم عدة حفلاة لدى قبيلة بني عامر وقبايل سبيع الاخرى وبعض وجهاء المنطقه
وتقبلوتحياااااااتي
اخوكم الحرألأبيض

الحر الابيض الشعار الي انت ذاكرهم مافيهم ولاشاعر الا بعيد الهقاوي اذا كان عويد المطرفي فقط