السلام عليكم ورحمة الله وبركاته
هذه قصيدة الشاعر
محمد الدحيمي
حين ماكشف لعبتهم في شاعر المليون منذو المراحل الاولى
حينما ماكان الكل يعارضه بأن البرنامج منصف
لله درك يا ابو بدر
اليكم هذه الشامخه
هاتف الإسقاط
سجّ الدحيمي وفكره شاط
يابري حـــاله .. وياملّه
قرّب لي التتن والشخّـــاط
ياحـيّ ذا الـزول .. والطّلّه
العلم بين اخرطي وهياط
والوضع .. دقّه مثل جلّه
أداة شرطٍ .. بدون إشراط
إذا ( الصفه ) (حرف جرّ) له
تبزاك .. (يادولـة الأنباط)
كل احرف الجرّ والعله
لابو (ارسطو على سقراط)
ومن عـــالج .. العلّه بعله
يلعنه من ثوب من خيّاط
لأأبوووه لأخر جدودٍ له
ظما على العز فوق بساط
حيّه .. ولا مشرب الذلّه
شرهة محرم بوجه شباط
وشباط كنت احسبه فلّه
يا شوكةٍ .. تبـــري الملقاط
من ضيمها .. عايذٍ بالله
(يعقوب) من عقبه (الأسباط)
الأنبـــياء ... مابهم خلّه
حاخام او قس .. يالأقباط
الزبده .. القدس محتله
ماجور ياللي تشم شواط
اقلط على الشحم والدلّه
ياقصر -- لك هيبةٍ وبلاط
والقصر .. مايشبه الفلّه
لاتضرب البنط في الأبناط
يا 00 تقطب العلم .. وتشلّه
يا00 نآخذ بشوط سبع اشواط
ونضحك على باقي الشله
الخوّه لها وفاء وربــاط
وخويي اوفــــيه .. ما زلّّه
اصدقه بالقول لو يشتاط
واخدمه ,, ماني بعبدٍ له
واللي على الشل والحطاط
كبّه على وجهه وخلّه
ياكم تقلّد رتب وانواط
دبش 00 ماهو كفو شاةٍ له
اقصى عزومـه تقول مغاط
الهينه .. تقطـــــعه كلّه
آمـــر ويآمــر على الظــبّاط
ويهجـجّه بالخــــلا ظلّه
اليا تشيّخ دني مقـــلاط
مرقاه .. ماهو بمــرقى له
امشـط على السهل يامشـاط
راس الجبل ماانت كفوٍ له
الحّـر .. يكــرم عن الوطــواط
ومن ورّد المــــوت .. ماعـلّّه
ياملعـــقه جـدّش المســـواط
شيــخٍ على كبدة الحــلّه
العلم بالكــاش والا .. اقساط
الضايع سهــــيل بيـدلّه
ترى الذهب يوزن بقــيراط
وترى الدليــله ... لها دلّه
والكهرب حســـابها بالواط
ماهو مثل .. جيــت امثلّه
احباط.. في منتهى الإحباط
وجه التفــــاؤل عــدوّ له
وجهة نظر .. ماهي إستعباط
ماكل مذهب . . وله ملّـه
الحرص من شيمة المحــتاط
والقرم يظهــر بند ّ له
لاهنت .. ياهاتف الأسـقـاط
ذا الصفر شف وضعه وحلّه
ابانشدك عن ثلاث نقــاط
ماهوب عن .. صفـحة مجّله
الغـاط ..؟!! قول محتمل اغلاط
ابداع ..؟!! .. من الممـكن تمـلّه
(جغرافيا شعر؟!! ) .. قل إفراط!!
(جغرافيا للعــرب!!) لله ..
من حد بيشه لقاصي خاط
لي لابـــةٍ .. تبـرد الغلّه
واللي (ابن دهــمان يا مشواط )
بربعه .. فيفــخر بربع له
ربعي بوجـه الردي مشراط
ومن طيحّـه فمه .. بـ نهلّه
لاثـوروا يشعــطون شعاط
ويتعــوّذ السهـــل والتلّه
الله خلقنا رقاب عـلاط
ويبطي بذا الرووس .. تنزله
الســوط .. كله ربل مطــاّط
والحجّه .. اثبــاتها .. أدله
واللي بمخطــوطة الخطّاط
يمشي وطيـبه .. ماهو لله
العام انا رابــطه بربـاط
واليوم اباعبى خطامٍ له
اللاش والهامه .. الخراط
الناقص .. الدبش .. والقلّه
عطاس راسه ماهوب سعاط
تكفا ( يامشـــواط ) رح قلّه :
راسي ماهو .. رأسه الوطــاط
العزّ فطـــره .. عصاب له
اعيش ظامي وفوق بساط
وامــوت .. ماأشربك يالذلّه
محمد الدحيمي
غير متصل
