السبعان

[ابن الروقه]

سلام الله على السبعان والسبعان نعم الناس= يحبون الحياه ويأكلون التمر بزياده
وانا من عزوة الهيلا رجال الفخر والنوماس=لنا وزنٍ ثقيل ومنزلة في الشعر ورياده

[خالد الشماسي]

هلا بك ا ابن الروقه في منتديات سبيع الغلباء واستلم

هلا يا مرحبا وعتيبه الهيلا كثيرة باس =لهم تاريخ مشهود ولهم في الحجه اعباده
وأنا من لابة تاريخها وسط العرب نبراس= لهم نجد العريضه والمكارم عندهم عادة

[مصلح ربح]

صح السانك يا روقي وبدايه رائعه

وصح السان ابو عمر على هذا الرد الرائع

واصلوا ونحنو متابعين

الله لايهينكم

[ابن الروقه]

يدوم لك البقاء زانت علومك يا ولك شماس=وحنا نعبدالله وانت مسلم تعبد القاده
لا بله . نجد للي في ربها يلبسون الطاس=من العارض لمكــه والعتيبي يصعب عناده

[ابن الروقه]

مصلح ربح


تسلم الله لا يهينك




شكراً على المتابعه.

[خالد الشماسي]

احد خذ مال ابو سلمى واحد ورد عليه الفاس = لكن ذاك الزمان اقشر وحدك تطمع بزاده
عتيبه والنعم فيها لكن ان الحجازه ساس = ولو لا حكم اخو نوره رقيت الضلع برعاده

هلا بك يا مصلح ،، شكرا لك على المرور والحضور

[ابن الروقه]

احد عايش بعزة نفس واحدٍ عاش بالالحاس=على حاجات كيف الحال دقة خصر وقلاده
صحيح سبيـع خاضوا... تجربة عباس بن فرناس=لكن الخاتمه قبر ولحد وفراش ووساده

[خالد الشماسي]

وحنا اهل المعزة والفخر مع رفعةٍ للراس = فتحنا المملكة بسيوفنا وخليف بمهاده
سبينا في الرغامة وتربه بيض كما الألماس= عزاويهن غدو يم الشريف تدور ارفاده

[مصلح ربح]

الله الله رائعين ونحن متابعين

روقي اشكرك على هذه الجراءه

خالد هاكذا عرفناك لاهنت

فالكم المليون

[ابن الروقه]

لك الله لو نوينا حربكم ما تاخذون الكأس=لكن هون وخلك حول اخو نورة واخو غاده
من اللي قادكم يوم تربه يالشاعر الحساس=ترؤس جمعكم سلطان جعل الجنه مهاده