مقطع الازره لاهنت

[مقطع الازره]

اخونا راعي ملقا حياك الله

الله لا يهينك

[مقطع الازره]

حوت البحور وش رايك نكمل بعدين

[حوت البحور]

مايرتكي للحمل غير الجمل والدهر ميال * * والرجل نعرف خوته لاغزانا الوقت جوره

ياصاحبي راحت علومك مابين يمين وشمال * * والصايم الي صام ناسي ولا ركب قدوره

[حوت البحور]

راعي الملقا الله يعافيك وتسلم على مرورك

[حوت البحور]

مقطع الازره صح لسانك والله يعطيك العافية وفيت وكفيت

[مقطع الازره]

ما ودي العيله تجيكم ولو في ربع مثقال === وانته ليا شفت المريض اسعفه وقت الخطوره

عديت بك في الرجم ابيك اتعرف لي بعض الازوال ==== واثرك تلفت ما تحقق عيونك كل صوره

[مقطع الازره]

حوت البحور الله يبيض وجهك على هالطاروق الحلو

واسمح لي على القصور

[حوت البحور]

الصاحب اليامن بغاني لقاني بكل الاحوال * * تتعب على شانه قدم ساق رجلي ثم أزوره

وأن كان مالك قلب واعي وعين تشوف الاشكال * * مثل الكفيف اليا مشى في طريقه طر زوره

[حوت البحور]

ماجاء قصور ياطويل العمر أسهرتك معي السموحه وتصبح على خير

[ابو سعود 99]

الأخوة الشعار حوت البحر ومقطع الازره شكراً على هذه المحاورة الجميلة ونتمنى أن يكون القادم أجمل