السلام عليكم و رحمة الله و بركاته ..
أقدم لكم هذه القصيدة و هي مجاراة لرائعة شاعر الثقلين و فرعون الشعر المعنونة بـ ( تلاوةُ كاهنٍ ) .. و هي للشاعر : جارالله بن محمد الغزي .. و لعلها ترقى لذائقكتم و تحوز على اعجابكم ..
طلاسمُ ساحرٍ
حشور يوم أجر الصوت ساري = طلاسم ساحر في كف قاري
أدن دن دن دن دن دن دن دن = مثل ما دندن الفرعون أماري
أجر الصوت من صوته بصوتي = وأصوت يوم جر الصوت جاري
تناهش في خفوقي كل ليلة = حواشير كأنياب الضواري
هواجيس تصارع كل جفن = مثل هاجوس ناصر بالسحاري
كأن الصوت في صدري تحوشه = تناهيت تحشرج كالذواري
تحارش ثم تخارش ثم تكارش = بصدري مثل موج بالصواري
تنازعني هواجيس دوارس = وكل عل من عده يجاري
ألا يالله طلبتك ثم طلبتك = بمزن عم بدوه والحضاري
سحاب مع هوى الغربي تزبر = شوي شوي من فوق المذاري
يسوقه ريح رعد به تصافق = وسد الشمس بمزون الجواري
ورعده سابق البرق وتشارك = بقدحه لين هل الديم جاري
ألا يا بارق شعشع بنوره = على العربان يضوي بالمساري
عساه يهل ديمه كل ليله = مية ليل وهو فوق الصحاري
تهلهل يوم هلهل ثم طبل = بصوته تقل في مصرف تجاري
عساهُ فوق كل أرض العروبة = على دارك على داره وداري
محاذيفه على كل المسايل = تجاذب لين تاصل للخباري
تدارج فالمدارج والمخارج = وتهاوت له كتوفه والسواري
يعم بنوه اللي جاء بتوه = شمال وشرق والواد ونزاري
على الصمان والدهناء بروقه = على الرمة تحدر بالكباري
على الباطن على الساروت نوه = على غيانه على كل المجاري
على رنيه على رماح ونُخيله = على سليل وسلمى والسماري
على نجد العذية سال نجده = على ينبع نوى لأم القماري
على عرعر على رفحاء بروقه = على السرحان غربه والشراري
على شامه على يام وتهامه = من الخرخير لرياض الضواري
على التنهات نوه ثم نورة = تغني في طفلات وجواري
تفرش جوه خزامى وبختري = وقرقر به مقرقر والحباري
يشيل الطير معها والصفارى = تبارى والقطا حول الغداري
تغني به طيور الماء وسالم = صدى صوته يردد للقماري
تشوق القطر وعباره تشوقه = عصافير عليها الوقت ضاري
ترى المضمار فيه بكل طعس = يغار الجيب من عزم السفاري
تنسنس ناسم النسناس نسنس = تبسم وابتسم وأنسى العباري
وألا يا ليل دانه ليل دانه = ألا يا ليت شعري ما أنت داري
تراني يوم أجر الصوت أغني = باصفي ضامري من كل طاري
وأدن دن دن دن دن دن دن دن = مثل ما دندن الفرعون أجاري
وأدن دن دن دن دن دن دن دن = طلاسم ساحر في كف قاري
جار الله بن محمد الغزي – الزلفي 27/3/1429 هـ
غير متصل
( طلاسمُ ساحرٍ ) .. مجاراة لـ ( تلاوةُ كاهنٍ )
