يابو يزيد الله يثبتنا

[راس النـــــايف]

السلام عليكم ورحم الله وبركاته

اشوف بعض الناس ماعادت تسلم يالطيف = مدري جهل والا كبر والا ردى والا غضب
يابو يزيد الله يثبتنا على الدين الحنيف = وانت متغير مير علم صاحبك ويش السبب

[راشد التوم]

السلام عليكم ورحمة الله وبركاته



صح السانك





وتراني في صفك ياذيبان قبل الزحمه

[راس النـــــايف]

عليكم السلام وصح بدنك ياراشد

تعز الصف الي انت فيه طال عمرك

[أبو يزيد]

المشاركة الأصلية كتبت بواسطة راس النـــــايف

السلام عليكم ورحم الله وبركاته

اشوف بعض الناس ماعادت تسلم يالطيف = مدري جهل والا كبر والا ردى والا غضب
يابو يزيد الله يثبتنا على الدين الحنيف = وانت متغير مير علم صاحبك ويش السبب

وعليكم السلام ورحمة اللة وبركاااااااااااااااااتة

يامرحبا ترحيبتاً ماهي من الوزن الخفيف=وزن الذهب ياصاحبي ياصاحبي وزن الذهب
انا رفيقك ماتغير دوم وفوادي نظيف=يالنايف اللي مسكنك بين الهدب بين الهدب

[أبو يزيد]

المشاركة الأصلية كتبت بواسطة راشد التوم

السلام عليكم ورحمة الله وبركاته



صح السانك





وتراني في صفك ياذيبان قبل الزحمه

راشد شوري عليك تعال في صفي

[راس النـــــايف]

ابك البقا يالي ترحب عندنا مالك وصيف=لولاك غالي مانبي نلحقك مشروه وعتب
من عقب ماصدناك يوم انك تصلي فالقطيف=وانته تصرفنا واضنك فالحسا تاكل رطب

[أبو يزيد]

المشاركة الأصلية كتبت بواسطة راس النـــــايف

ابك البقا يالي ترحب عندنا مالك وصيف=لولاك غالي مانبي نلحقك مشروه وعتب
من عقب ماصدناك يوم انك تصلي فالقطيف=وانته تصرفنا واضنك فالحسا تاكل رطب

:


طيب طيب



:

دنياك يالنايف تبا تفرق وليف من وليف=مافى الحياة الا التعب مافى الحياة التعب
وانا صلاتي فى الحرم واشتاق للقدس الشريف=مير البلاء فيه اليهود اكثر شوي من العرب

:


:

[ناصر الغضروف]

السلام عليكم

ياراس النايف

ويا أبو يزيد

وكمان الصفوف

بس وش بلاكم متهاوشين

حيلهم بينهم

انا مع اللي يغلب الثاني ,,وترى معي شوزلي والعجرى ,,,ويالطيف الطف

[راشد التوم]

الله الله


ياكبار متابع







راس النايف


العلوم











مازلت في صفك وسابقا حتى مع التهديد

[ناصر الغضروف]

المشاركة الأصلية كتبت بواسطة أبو يزيد

:


طيب طيب



:

دنياك يالنايف تبا تفرق وليف من وليف=مافى الحياة الا التعب مافى الحياة التعب
وانا صلاتي فى الحرم واشتاق للقدس الشريف=مير البلاء فيه اليهود اكثر شوي من العرب

:


:

صح لسااااااااانك يابو يزيد,,,:

ول ول ,,,يهود بني قريضه والا بني قينقاع