مرثيت الشاعر دخيل الله ابن عون في الشاعر المرحوم شباب ابن باتل الصمله

[اللفياني]

ارسالةٍ جـت فـي بريـد التليفـون=منها درج مني على الخـد عبـرات
وتبدلت لي منها الافـراح بحـزون=والطرف منها بانت الشمس ما بات
ياللي لزايد فـي عضيـده تعـزون=شبّاب درع الجود عنـد الصعوبـات
عزّوا قبل قبيلتـه فيـه بـن عـون=وعز الكرم والجود في طيب الـذات
وعزّوا قدور ٍ تاخذ الكوم وصحـون=وعز الدلال اللي على النار مركـات
وعزّوا صروح ٍ فيها الاضياف يلفون=بيبانهـا علـى اكثـر الاتجـاهـات
وعزوا الشعر واللي لجزله يهـاوون=في شاعر ٍ يبـدع بكـل المجـالات
وأقول للـي فـي وفاتـه يقولـون=شبّاب مات اقول شبّـاب مـا مـات
فالناس ناس لو هم احيـا يموتـون=و فالناس ناس احيا ولو قالوا اموات
اللي ليـا ماتـوا وراهـم يخلـون=مفاخـر ٍ مثـل الجبـال المنيفـات
لو دونهم حال الثـرى مـا يعـدون=من ساير الاموات لو قيـل هيهـات
ويا زايد الدنيا مثـل مـا تعرفـون=الها على الغفلة فواجـع و غـارات
الناس فيهـا بالمسـرات يمسـون=ولا شنت الغـارة تخليهـم اشتـات
والاجل يوم ٍ يعلمه خالـق الكـون=وجميع شي ٍ لـه نهايـه وميقـات
وأهل العزم بالصبر للاجر يرجـون=والصبر باب الاجر عنـد الملمـات
ومن يحتسب للاجر فالاجر مضمون=بشر بـه الله فالحديـث وفالايـات
وصلوا على الهادي عدد ما يلبـون=و عـداد مـا تلاحـن الراعبـيـات

[مخايل الغربي]

بسم الله الرحمن الرحيم
المكرم الاخ الليفاني السلام عليكم ورحمة الله وبركاته وبعد جزاك الله خيرا على نقل هذه المرثيه من العتيبي بالسبيعي وهل الشاعر دخيل الله ام ابنه غازي المعاصر لشباب بن باتل رحمه الله واسلم وسلم والسلام

[ماضي المديري]

رحم الله الفقيد وفعلا شباب لم يمت بل بقي ذكره العطر شاهدا على طيبه

صح لسان الشاعر دخيل الله ابن عون

[مصلح ربح]

بيض الله وجهك يا الفياني

وصح لسان الشاعر غازي بن دخيل الله بن عون

ورحم الله ابو زيد الذي كان علماً للشعر في القبيله

كما انه كان نعم الرجل

حقيقه شهادتي في اغلا انسان فقدته مجروحه

ولاكن يعلم الله انه تفرد بمزايا قليل من تكون فيه من الرجال في هذا الحل

[وافي السبـيعي]

رحم الله الفقيد

صح لسان الشاعر دخيل الله ابن عون

[عايض ابوشيبه]

أخوي اللفياني

مِشكور على نقلك لهذه القصيده وأشكرك لظهورك المتميز

وصح السان الشاعر دخيل الله

والقصيده كتبت في زعيم من زعماء الشعر وفي شخص له معزه في قلوبنا جميع

فالمرحوم بأذن الله شباب ملك حب من يعرفه ومن سمع عنه فهو ولوغاب عن نظرنا

لايزال موجود في قلوبنا فهو من الناس اللي يصعب نسيانهم رحمة الله عليه

[منصور الحري]

مشكور ياللفياني
ورحم الله الشاعر شباب

[الليث]

رحم الله الفقيد

صح لسان الشاعر دخيل الله ابن عون

[فـــالح السبيعي]

بيض الله وجهك يا الفياني

والقصيده للشاعر غازي بن دخيل الله بن عون وصح لسانه

ورحم الله ابو زيد رحمةً واسعه

[خيَّال الغلباء]

الله يرحم الشاعر / شباب بن باتل ويسكنه فسيح جناته وشكرا على نقل القصيدة وجزى الله الشاعر / غازي بن دخيل الله بن عون خير الجزاء