هذه مرثيه في والدي قالها الشاعر/ جبر بن ضيف الله الحربي
عسى الله ان يغفر له ويرحمه ويتغمده فسيح جناته وموتانا وموتى المسلمين اجمعين
[poet font="Simplified Arabic,4,black,normal,normal" bkcolor="transparent" bkimage="backgrounds/7.gif" border="none,4,gray" type=0 line=200% align=center use=ex length=0 char="" num="0,black" filter=""]
يا الله يا اللي تجــزي الــعــبد باعــــمالـه ........ تـغـفـر ذنـوب مـوهــنـي ثقل هــــنـه
شــفــت الــعــريني حــزين وضايق بالــه ........ من شان فقد الرفيق اللي على ظنه
الـلـي الى قـــربــه لـلـحـمـل يـشـتـالــــــه ........ مـا قـال صـبـرك علي اظنه اظــنـــه
اول اذا جــا لــــزومــه كـــز مــرسـالــــه ........ والـيـوم كـل الـرسـايـل ما يطولــنـه
بـيـنـه وبـيـنـه لــحـود الـقـبـر مـنـهـالــــه ........ عــلــه فـي مـلـة ابراهـــيم والســنه
عـبـدالله مـحـمـد حـمـيـدان يـدعـى لــــــه ........ يا الله عسى منزله في عالي الجــنه
يالله عــسى جـنـة الـفــردوس مـنـزالــــه ........ حـقـه مـن الحور في عرسه يزفــنه
عسى العوض فيه يظهر لك من اشــباله ........ قـــرم دروب الـــرجاله ما يطوفـنــه
ياقــف مــثــل ماقــفــه و يمثل اعـــمالــه ........ وليا عطى من حلاله ما الحقه منـه
يا ابــو مــشــاري تــرى الايــام خـتـالـــه ........ كـــم واحـــد ضــحــكـنه ثم بكنــــــه
كـــم واحـــد راح قــبـل يقـضي اشغـالـــه ........ عـنــده مـشـاريع جـبـاره تركهــنـــه
الاجـــــل وافــاه قــبــل يــودع عــيــالـــه ........ حــتى وصــايــاه روح ما كتبهـــنــه
وصلوا على الصادق المصدوق باقوالـه ........ محمد نبي الهدى والشرع والسنــه
[/poet]
وسلامتكم لكم خالص التحيه والتقدير
غير متصل
