قصيده ترحيبيه بالشيخ زيدالمليحي السبيعي ومرافقيه في حفل الشيخ/عبدالله بن رميزان وقبيلته الوزران
لشاعرالكبيروالمعروف حمود بن زامل المجمعي السبيعي يلقيها نيابتآعنه ابن اخيه الشاعر زامل بن الحميدي المجمعي السبيعي الذي شارك في مسابقة شاعر المعنى وكان له حضورآيشرفنا جميعآ
( القصيده)
يامرحبا فـي مرحبـا بالنيابـه------ترحيبة الوزران شيـخ وقبيلـه
ترحيب احلى من روايح سحابـه---لاشربه الضميان يشفـي غليلـه
وحلاته احلى من عسل ويتشابـه--يكفيك عن كثر السوالـف قليلـه
اخص زيد ومن معـه مرحبابـه-----شيخ يباري لـه جمـوع مهيلـه
شيخ ليا من غـاب كـل درابـه----ويمناه في كل اللـوازم طويلـه
الفى على مـن قـدره وحتفابـه--باسم الرجال اهل الصفاةالنبيلـه
وزران من عصرالنبي والصحابه--رجالهم حمـل البليهـي يشيلـه
الضيف لاجاهـم لقـا ماهقابـه----البن يحمس والشحـم يحتريلـه
الفال غالية الثمـن فـي عقابـه---وصحونهـم لاقلطوهـا ثقيـلـه
ودخيلهـم يامـن وكـل يهابـه-----في راس عيطا لويشوفه عميلـه
حنا وهمـه مـن قديـم قرابـه----قـول ليـا قلنـاه جبنـا دليلـه
يشهد لنا ابن غويلبه في جوابـه--اليا اعتزينا واعتزوا بالاصيلـه
وسبيع جبر نعتزي بـه ولابـه---لاولعـوا بالزنـد راس الفتيلـه
حماية الوديـان يـوم الحرابـه----بالملح الاشهب والسيوف الصقيله
يوم المراجل والقشـر والنهابـه--يجي لنا الطمـاع وانـا نجيلـه
يبغون حسـو مايكمـل شرابـه---وغرس مهانيع بجـال المسيلـه
حامينها الغلبـا سـواة الذيابـه---بشلف مع الفرسان يـوم الدبيلـه
وجاها معزي منكف من غيابـه--فوق الركايب من خشوم البتيلـه
قضى على الفتنه ودور العصابه--راس يقـاود لـه وراس يشيلـه
واحيابها السنـه ومافـي كتابـه---يقرابها القران صاحـب فضيلـه
واليوم عبدالله مشا مـا مشابـه--راح الزعيم وجا زعيـم بديلـه
مشرع للشعـب صـدره وبابـه---يسهـر لراحتنـا نهـاره وليلـه
سلطان سلطان السعدمن لجابـه--هداج تيما يبهـج اللـي يجيلـه
وان كشر العايـل علينـا بنابـه---سلطان من دون الوطن يرتكيلـه
وزير جيـش موقفـه ينحكابـه---مـا ينهـزم لاكبـروا بتهليلـه
جيش السعوداهل الظفروالذرابـه--الشجره اللي للمواطـن ضليلـه
( وسلامتكم وصح لسان الشاعر وبيض الله وجهه)
غير متصل
قصيدة الشاعر حمود بن زامل ترحيب بالمليحي عند الوزران
