[poet font="Simplified Arabic,5,white,bold,normal" bkcolor="transparent" bkimage="backgrounds/21.gif" border="outset,5,indigo" type=2 line=350% align=center use=ex length=0 char="" num="0,black" filter=""]
أعزائي الكرام يسرني تقديم هذه القصيدة التي قلتها محاولآ
معالجة بعض الاخطاء والملاحظات الكثيره حسب رؤيتي الخاصه
أمل ان تحوز على رضاكم :
قالوا أكتب شعر ياشاعر وعده = لين يسمعك القريب والبعيدي
ماسمعنا لك علومٍ مستجده = وشاعراً ما يشتهر ما يستفيدي
قلت حاظر والقوافي مستعده= بس انا خايف يزعلكم قصيدي
من يخلي واجبه لا رحم جده = والله ان في خاطري علمٍ جديدي
ياظميري هات موضوعك ووده= والقلم والحبر والقرطاس بيدي
شائفٍ لي واقعٍ ما عنه صده= يفعل الله في عباده ما يريدي
والغلط تاقف رجال العرف ضده = ساعدوني ياهل الراي السديدي
التفرق فالرفاقه وصل حده= والجهل والكبر والبغضاء تزيدي
لاتفاهم لاتراحم لاموده = والسبب نزغات شيطانٍ مريدي
ليش ؟كلٍ شايلٍ سيفه يحده= ضد ربعه في توعد وتهديدي
بالمشاكل يمتلي صاعه ومده= وان نصحته قال لا هل من مزيدي
لا صحى من نومة فوق المخده= وامتلى بطنه وشبع من العصيدي
قام ينفخ يحسبن ما فيه قده=وان تكلم زودالوضع تعقيدي
كل يوم يرتفع صوت الموده= فايدٍ له علم جعله ما يفيدي
زيد فيه وفيه وعبيد بنحده= ويا حمد عصب محمد والحميدي
وغير ذالك ما يحفظ السر سده= ويهرج لو عند سوداني وزيدي
والغشيم اللي لطم عينه بيده= جاوبوني هوذكي واللا بليدي؟
ذا وشكله ودك انه يداس خده= في الثرى يحط في رجليه قيدي
الخطا راعيه يلقى من يرده = والحديد يلينه صلب الحديدي
اسمعوا ياللي ظمائركم مصده= عن عوائدنا وماضينا المجيدي
مجدنا شامخ ولا يمكن نهده= ولا يخدشونه هل الحظ القريدي
طبعنا دين وكرم وان قيل رده = فالوغى نرد المهالك ما نحيدي
وطبعنا ركب الاصائل والاشده= نحتمي القالات ونضد الضديدي
والصمود ليا وقف ندً لنده= كم جدعنامن شجاع ومن عقيدي
وكل بدأً يفتخر بفعول بده=يوم وقت أربط حزامك يا عضيدي
جعل حبل الطيب ما تكثر عقده= في ظروفٍ يبسة خظر الجريدي
ومن سعى بالانقسام الله يلده= ومن جمع ربعه عسى عمره مديدي
وافتراق الشمل والله ما نوده= يالنشامى هكذا العلم الاكيدي
لو خذة بعض الغيوم السود مده = أطلعي يا شمس ويذوب الجليدي
محلا مشي الدروب المجرهده= والعلوم اللي بها كلٍ يشيدي
وان فقدنا شء لازم نسترده= نهتدي للرشد والراي الرشيدي
ومن كتاب الله وصولٍ نستمده= فطرةٍ يأمر بها رب العبيدي
للجماعه فضل وارباحٍ موعده= ما يحصلها المسيكين الوحيدي
ومن صفاة المؤمنين امورعده= واضحه ما هيب تحتاج تعديدي
التواضع والصبر في كل شده= واتحاد الصف والخلق ا لحميدي
كل بنيانٍ له اركانٍ تشده= ما يهد ليا طلع ساسه جويدي
وكل مخلوقٍ إلى ربه مرده= والعباد أبهم شقي وابهم سعيدي
والرجل ما يلبس اللا ثوب قده= والقناعه والثقه كنزورصيدي
يابن أدم بد فعل الخيربده= لجل ما تخسر لاجايوم الوعيدي
عز نفسك وان مشيت بدرب سده= وكل يوم للنشامى يوم عيدي
ومن وقف فأدنى الدرج مر وتعده= وابذل لكسب العلا جهدً جهيدي
ورافق صقور الهداد بكل هده= الحرار اللي لصاحبها تصيدي
أرفع الهامه ومن حدك تحده= خير من كلمة نعم حاظر ياسيدي
والفرج عند الذي ياصلك مده= جل شأنه عن هل المد الزهيدي
ذا جواب ابن بداح بخط يده= وصل المكتوب يا ساع البريدي
أخوكم / مفرح بن بداح السبيعي .
[/poet]
غير متصل
