السلام عليكم ورحمة الله وبركاته
يشرفني ان أشارك في هذا المنتدى بهذه القصيده التي قلتها في ماجد بن مسلط بن مطلق بن عياش
جيتك يابن عياش زبن الدخيلين
حيثك يابن عياش بالحيل غالي
جيتك وانا نسل الشيوخ الكريمين
ربعي تميم ن رايدين العوالي
وانت الذي ربعك على الطيب رابين
سبيع المراجل والفعول العدالي
ربعي وربعك يالسنافي طنيخين
طنخة عنيد ن بالخطر مايبالي
ربعي وربعك والنجوم متساوين
لا والله ارفع من نجوم العلالي
اهل الحلايا والمروات والدين
اهل النقا والجود واهل المعالي
جيتك ولاني باغي الف ن ولا الفين
بس السلام وحبة الخشم فالي
وان قاله الله عقب يوم ن ويومين
يم العذيه نجد شد الرحالي
يم الحبايب والولا للوفيين
يم القرابه والنسب والاهالي
جعل المطر يسقي ديار المسلمين
يروي ضمايرنا وتروى الرمالي
تربع به الارض تصبح تلاوين
اخضر مع اصفر والندا به يلالي
عقب الضما تتصير روض وبساتين
يرعى بها الناس قبل الحلالي
بذكرك وقت ن وبنساك وقتين
وان ماذكرت ارجوك تدمح زلالي
وشلون ابذكر شوفتك بين نفدين
والجو صافي والغضا ما يكالي
والنار تاكل في بعضها وتحيين
وعيال مزنه من يمين وشمالي
بس ان ذكرتك ماذكرت الرديين
قدرك بحروة ولد عم ن وخالي
بنطير من اوكلاند الا دولة الصين
ومن هونج كونج اليا الحسامين تالي
ربي يوسع ضيق ن لي ويعطين
صبر وجلاده يامجيب السوالي
وصيتي لك يابو مسلط هاك الزين
راعي العيون الزرق وقد الغزالي
قله عشقنا بعضنا دون تدرين
ومن دون لا ادري ياوحيد المثالي
اثر الغلا يسري بعرق وشرايين
نبغي نتوب وقيدتنا الحبالي
ماهوب ثوب ن تلبسه جسمك الحين
واليوم الاخر تفصخه وانت سالي
هذي وصاتي ياسليل الميامن
ودعتك الله انت وكل الرجالي
وسلامتكم
صالح بن عبدالله الخزي التميمي
غير متصل
