منتديات الـمـشـاهـيـر والقصص البطوليةشامل القصص والروايات البطولية لمشاهير وفرسان قبيلة سبيع الغلباء وبعض المشاهير من القبائل العربية معلومات و توثيق لتاريخ مجد اشهر رجال قبيلة سبيع
رد: يا فاطري ليلة وردنا رماحي = صبح أربع في لاهب القيض مضمين
كُتب : [ 03 - 07 - 2009 ]
اقتباس:
المشاركة الأصلية كتبت بواسطة خيَّال الغلباء
بسم الله الرحمن الرحيم
إخواني الكرام / أعضاء ومتصفحي منتديات قبيلة سبيع بن عامر الغلباء السلام عليكم ورحمة الله وبركاته وبعد : إليكم هذه القصة المشهورة والتي تتداولها معظم القبائل المجاورة لقبيلة سبيع بن عامر الغلباء وقد سمعتها من كبار السن ويقولون فيها : أن الشاعر الفارس / دواس بن رمضان الزعبي رحمه الله وأسكنه فسيح جناته كان نازلا مع احدى القبائل وعندما دخل موسم الصيف وشحت المياه طردوا حلاله ( إبله ) عن الماء ورحل قاصدا قبيلة سبيع بن عامر الغلباء على اّبار رماح من أشهر طوال نجد ونزل ضيفا على الفارس / عبيد بن صنهات الصميلي السبيعي رحمه الله وأسكنه فسيح جناته وكانوا في يوم عاصف فقام عبيد رحمه الله بإكرم ضيفه وأرسل أبناءه لسقيا إبل ضيفه الفارس الشاعر / دواس بن رمضان الزعبي رحمه الله وأمرهم أن لا ترد إبله على الماء حتى ترتوي إبل ضيفه وعندما رأى ضيفه الفارس الشاعر / دواس بن رمضان الزعبي ما فعله الفارس / عبيد بن صنهات الصميلي السبيعي بعدما حصل له من القبيلة التي قدم من عندها حيث منعوه الورد على الماء قال هذه القصيدة المعبرة ولقد ذكر الأخ الأستاذ / عيد بن مدعج أن هذه القصيدة لابن رمضان الزعبي لما ورد على رماح وفعل معه / عبيد بن صنهات من الصملة فعلا طيبا وأسقاه وأكرمه كما ذكر أن القصيدة موجودة في ديوان الشاعر / عبدالله بن شيحان الجبري السبيعي رحمه الله وأسكنه فسيح جناته ( ص 124 ). كما ذكر غيره أن هذه القصيدة موجودة في : ( ديوان مواقف وقصائد) تاليف الراوي / ناصر بن محمد العجواني العزة السبيعي رحمه الله وأسكنه فسيح جناته الجزء الثالث ويقول أن هذه القصيدة سمعتها من الراوي / عبدالله بن سعود بن ملفي الجبور السبيعي منذ زمن بعيد , ذهب ابن رمضان من قبيلة زعب إلى رماح ديرة سبيع وبعد ما وصل نشد عن الرجل الطيب وذكر له / عبيد بن صنهات من الصملة من سبيع ونزل ضيفا عليه فأكرمه وسقى حلاله فقال ابن رمضان هذه القصيدة وقال الأخ / فهد الزعبي أن القصيدة لها مناسبة وهي أن دواس آل رمضان وربع له سندوا يم رماح معهم ذودهم وكان لهم عانية اسمه / عبيد بن صنهات من الصمله من بني عمر من سبيع الغلباء ودواس وربعه مرسلين لعبيد بن صنهات يعلمونه بأنهم مسندين يمهم وجلس عبيد ينتظر عوانيه آل رمضان حتى وصلوه وقام بواجبهم من سقي إبلهم وضيافتهم والعنوة هو أن / راشد بن حمود أخو دواس ماخذ من الصمله أظنها أخت / عبيد بن صنهات أو بنت عمه متزوجها وعليها منه ولدين واحد اسمه عبدالله كبير في السن ساكن بالنعيرية الآن والولد الثاني اسمه سلامه كان ساكن الكويت وتوفي قبل حوالي 25 سنه الله يرحمه وعياله لا زالوا في الكويت وخال عبدالله وسلامه / عبيد بن صنهات الصميلي اللي ورد اسمه بالقصيدة واللي قام بواجب دواس وربعه فقال دواس بن حمود آل رمضان الزعبي هذه القصيدة :-
يا فاطري ليلة وردنا رماحي= غب أربع في لاهب القيض مضمين
عد (ن) طويل ويذكر إنه ايماحي = عليه أجانيب وناس (ن) كثيرين
عين عيوني يقبلن المراحي = الذود مضمي والمعارف قليلين
وأنا أحمد اللي حط دربي سماحي= الذود يشرب والقبايل محيمين
يوم أصبحن وردن وصارت سماحي =وأنا أحمد اللي حط ميرادهن زين
روين وعقب الرّي عطّن صماحي =وأبعد عسرهن عسى عمره سنين
ساعة نزلنا والشحم له صماحي= أبعد عمس هلهن عسى عمره سنين
عبيد شوق اللي ثمانه وضاحي= وريف الطروش اللي من البعد عانين
غنيمة في العسر ما هم شحاحي= أيمانهم تثعى الشحم والنبا زين
اّلاد صامل مبعدين المشاحي= عز الرفيق وسقم عين المعادين
وسواة من قانص طيور الفلاحي= يصيد لو كل القوانيص مخطين
أهل سربة (ن) لا من جذبها صياحي= تلحق بسبعان (ن) على الهوش ضارين
بشاش الظواهر والبواطن صحاحي= مرن سلاطين (ن) ومرن شياطين
يا زينهم لي من مشوا بالنصاحي = ويا شينهم لا صار ما هم براضين
عمرية فاتوا جميع النواحي =في كل عسرات المراجل تعيبين
وياما توطوا من غريم وطاحي = والله مقدرهم على راعي الدين
وإن جاء نهار (ن) فيه زرق الرماحي = ما يقبلون إلا برجح الموازين
وعميلهم يامن بدرب الصلاحي =وإلا إلى رد البرا مرقده شين
كم عيطموس (ن) لبسوها الشناحي= تصبح تخير في الربوع المسمين
يالله يا رازق خفوق الجناحي= يا عل ملاكة رماحً (ن) عزيزين
قصيرهم يشرب وعده رماحي= يوم الردي يطرد قصيره عن العين
غير متصل
