موال من شان المنتدى (كل شاعر يجيب موال)

[ابن عبيدان]

فعلا اصبح المنتدى روعة بمظهرة الجديد والشكر للادارة متمثلتنا بأستاذها الرائع الشاعر خالد الشماسي وجميع الاعضاء

هذا الموال المتواضع هدية مني امل ان تقبلونها

جمل الله حالكم يارفيعين المكان= لابه الغلباء هل الشور ذربين اليمان
يوم شكل المنتدى غيروا وجهه وزان= واصلوا يالبتي فالتطور واصلوا

[خالد الشماسي]

نبذل المجهود في رفعة الأسم الكبير=
بالمعرفة والتشاور مع الراي البصير=
ندرك العليا ونبلغ رسالتنا الوزير=
واصلوا يا لابتي في التطور واصلوا=

هلا بك يا أبو خالد صح لسانك ولا هنت


وما نقوم به جزء بسيط لا يعادل قدر مساهمتكم الجبارة في خدمة الشبكة فحضوركم ومواضيعكم هي التطور الصحيح .


نتمنى ان يكون هذا الإستايل ( الشكل ) حاز على اعجابك

[عيسى السبيعي]

موضوع منتاز وبانتظار شعار المحاوره

تحياتي

[ابن عبيدان]

ابو عمر موال ممتاز وبيض الله وجهك

عيس مرورك شرف وانت شاعر ولا نسمح لك لازم تسجل حضورك بموال يمتعنا


شعار المنتدى امل التفاعل ولا تبخلونا علينا

تقبلوا تحياتي

[المـبـهـم]

عيدكم مبروك يا جعلكم من عايده = من حقوق المنتدى كل عيد نعايده
وبيض الله وجه من للعلا سنعى يده = واصلوا يا لابتي في التطور واصلوا

[عيسى السبيعي]

كل عام يالرفاقه عساكم طيبين=
وعيدكم مبروك ياللي حضر والغايبين=
ياعسانا في غلاق الشهر مالفايزين=
واصلوا يالابتي فالتطور واصلوا=

[سارح البال]

من عتيبه جيت اشارك هل الغلبا سبيع
بعد صار المنتدى لابسن ثوبن نصيع
والفرح لاصار ياربعنا عم الجميع
واصلوا ياسبيع في منتداكم واصلوا

[فلوجة]

بيض الله وجه خالد عسى عمره طويل=يوم خلا منتدانا بفضل الله جميل
نشكره والشكر لاشك في حقه قليل=واصلوا يا عزوتي فالتطور واصلوا

شكرا على الموضوع

[ظافر القحطاني]

السلام عليكم ورحمة الله وبركاته


الله الله


صح الله السنتكم جميع والله يعطيكم العافيه



مواويل من ذهب عيار 21 والله يعطيكم العافيه والله لايهينكم




تقديري

[شبل الاسد]

ياسبيع الطيب واهل الكرامة ياسبيع= آهل التاريخ والمجد والقدر الرفيع
الرجال اللي تمد الكرامة للجميع = واصلو ياعزوتي بالتقدم واصلو