سـبـب تـسّـميـة قبيلة سـبـيـع بن عامر بـ ( الــغـلـبــاء )

[الثوري السبيعي]

شكرا جزيلا

[راعي الوضح]

مشكور يالجبري والله لا يهينك
حبيت ابين لك أن لقب الغلباء اطلق على قبيلة شمر بعد ما سمع فية ابن رشيد من عجران بن شرفي يوم كان يجية في حائل واعجبة الأسم وبن رشيد يعرف انة لقب لسبيع و طلقة على شمر ( سرقة ) ؟
بس ما نشهرو فية عند القبائل الثانية
ويعطيك العافية

[قمة القرا]

الجبري بيض الله وجهك علىهذا المعلومات نعم نحتاجه اليس جهلن بها ولكن لتواصل مع المعلومه وماصدرها

[السبع الحر]

موضوع رائع ياالجبري وفقت لكل خير

[النمر]

أخي / الجبري

تشكر على طرح الموضوع ولكل من ساهم معك كذلك الشكر

وقبيلة سبيـع معروفـه بهـذا اللقـب ( غلباء )و كان يطلق على قبيلة تغلب في الجاهلية وذلك لغلبتها على اعدائها وسـوف
أذكـــــر بــعـــض الإسـتـشـهــادات دلاله على أنه لقب لقبيلة سبيع :

1- عنـد نـزول قبيلـة عتيـبـه لنـجـد بزعـامـة
الشيـخ / تركـي بـن حميـد كانـت قبيلـة عتيـبـه
متفرّقـه فـي ذلـك الوقـت بحثـا عــن الربـيـع ,
وعندمـا أراد تركـي بـن حميـد مواجـهـة قبيـلـة
قحطـان وأميرهـا محمّـد بـن هـادي بـن قرملـه ,
إستفـزع بقبيلـة سبيـع وقـال أبيـات مـن ضمنهـا:


عدّيت بالطيـري وطيّـة نفـوده
وأصيح للغلبا بروس المشاريـف
اهـل ديـارٍ محتميـنٍ حــدوده
واهل مهـارٍ يلعبـنّ الغطاريـف
ماحدّتـه برقـا لشرقـي نفـوده
حامينها الغلبـا بحـدّ المراهيـف

والقصـيـده في كــتــاب مـنـديــل الـفـهـيـد .
وكتـاب شعـراء عتيبـه لمؤلفـه /محـمّـد دخـيـل
الــــعــــصـــــيـــــمـــــي .


2- شاعره من الحميـد شيـوخ المقطـه مـن عتيبـه:
خلّي مع الغلبـا سبيـع اسندوابـه
وأنا ورى الصّخه تنحّرت خنزير

# الصّخـه, خنزيـر : بديـار المقطـه مـن عتيبـه.
المرجع / شعراء عتيبه / لمحمد بـن دخيـل العصيمـي.


3- كـان بيـن العجمـان وسبيـع كـون إنتـصـرت
فيـه سبيـع , وجـاء بعـدهـا مـنـاخ الرضيـمـه
عـام 1238هـ بـيـن الـدويـش وإبــن عريـعـر
فحالـف العجمـان مطيـر وحالـفـت سبـيـع إبــن
عريعـر , وانتـصـر مطـيـر والعجـمـان فـقـال
شاعـر العجمـان مـن ضمـن قصـيـده طويـلـه :



تسموو بنا الغلبا سبيع بن عامـر
تسموو بنا لين الله أدنـا ذهابهـا



4: ـ قصيـدة شاعـر إبـن عريعـر , عندمـا إشـتـرك
فـارس مـن سبيـع إسمـه شليّـل المليحـي السبيعـي
مع الخوالـد ضـد الأتـراك , واعجـب إبـن عريعـر
بـفـروسـيّـتـه قــــــال شـــاعـــره :



يا ابو حميد الفعل فعـل المليحـي
اللي عزل بين الخوالد والأتـراك
حوّل بشيخ الروم حـيٍ يصيحـي
في ساعةٍ والخيل صولات وإعراك


إلـــــــــــى أن قـــــــــــال :
من روس غلبا متعبين النطيحـي
هذا ومثله دوم يصلـح لشـرواك








5:ـ قصيـدة زنيفـر بـن نوبـان العبيـوي مـن العبيّـات
مـن مطيـر عندمـا جـاور سبيـع مـن ضمنـهـا :

قلتـه وانـا مـع سبيـع الغلبـا
أهل الفعايـل والقلـوب إصحـاح






6: ـ وقول الشاعر فهد بن مخشوش الصمله


أنا من الغلباء سبيع بن عامر

أهل شجاعة والفعول الجزايل





هـــذه مقتـطـفـات لـقـصـائـد قـديـمــه .



(أمـــــا الـقـصـائــد الـمـعــاصــره) :




1: ـ الشـاعـر عبدالعـزيـز أبــا عــون الحـربـي :


سبيع لا ركبوا على الخيل يشدون
سيلٍ تحدّر بيـن جـال وبطينـي
(..........................)
سمّوهـم الغلبـا وهـم غالبينـي




2: ـ وقصائـد الشاعـر مـزيـد السريـحـي المطـيـري
في جاره إبـن صيّـاح مـن سبيـع عندمـا تجـاورو
بـالـكــويــت مــــــن ضـمـنــهــا :


غلبا سبيع إمروّية علط الأرمـاح
خيّالهم في ساعة الكـون زحزيـح





3: ـقصيـدة عبـدالله بـن عـبّـار الفدعـانـي العـنـزي
في زيد بن ناصر المليحـي مـن سبيـع مـن ضمنهـا:



أسندت منظوم القوافي علـى زيـد
الشهم منعـور الرجـال المليحـي
غلبا على الموت المصّفى مواريـد
غلبا ليـا حـلّ النهـار القبيحـي

ولكم التحيه وكل التقدير.

[الرايق]

رائع يالنمر
والله اننا نشتاق لكتاباتك المتزنه
وافكارك النيره
الى الأمام ياسليل المجد
ودم لأخيك

[الجبري]

الثوري السبيعي
راعي الوضح
قمة القرا
السبع الحر
النمر
الرايق
شكرا جزيلا لكم على المرور الكريم

قبيلة سبيع معروفة بلقب الغلباء - بال التعريف- وليس غلباء- منكرة-
و لكن لضرورة اقامة وزن بيت الشعر صار بعض الشعراء يقول غلباء لكي لا يكسر وزن البيت

[عريني الجنيفي]

الجبري بيض الله وجهك على هذا المعلومات

[الجبري]

ووجهك أبيض يالعريني

[akoadl001]

الاخوه السبعان مساكم الله بالخير جميعا
نسمع بــــــــــ سبيع الغلبا فما معنى الغلبا الله لايهينكم
سالت واحد من خوياي سبيعي وقلي ( والله مدري وشنهي المهم انها كلمه قديمه )