الهلال يدق الاتحاد بخمسة مسامير

[خالد الشماسي]

قويه قويه ياالإتحاد


0/5


وكأن الهلال يلعب مع نادي من الدرجة العاشره



الا بالمناسبه تراني شايف المباراة بالصدفه :)

[مخاوي الليل]

شفته معك جاب اقول الاول هو ويلهمسون وثاني تياقو نفيز و ثالث تياقو نفيز و رابع تياقو نفيز و الخامس ويلهمسون كانت مباره حماس

[ابن قطنان1]

أبو عمر لا هنت الله يبيض وجهك
والله يديم الهزايم للإتحاد

[ماجد الشماسي]

الاتحاد بدون محمد نور ولا شي

صدقوني لو لعب بيصير كلام ثاني اقل شي الهزيمه بتكون خفيفه

لاهنت يابو عمر وترى الشباب واقف للهلال بالمرصاد

[عشير الغانمين]

يعطيك العافيه يا ابوعمر ومبروك لكل الهلاليين

[الشاهق]

الهلال ما عنده الا الدجه

والاتحاد لو لعبو كاملين

كان يشوفون الويل

الاتحاد هو النادي الوحيد اللي يجملنل خارجيا

ووالله انه افضل من المنتخب
خل عاد نادي الهلال

[ابن قطنان1]

الشاهق يالغالي مساك الله بالطيب والعافيه

انت تقول الهلال ماعند الا الدجه تاريخ المباريات يقول العكس لعب الفريقين 74 مباراة
فاز الهلال في:33 مباراة.
فاز الإتحاد في:22مباراة.
تعادلوا في:19 مباراة.

أهداف الهلال:101 هدف بالإتحاد
أهداف الإتحاد:82 هدف بالهلال.

الفرق بعدد الأهداف:19 هدف.

حبيت اوضح لك بس ان الهلال الزعيم.

اظن انك عرفت من اللي ماعنده الا الدجه الحين

هذه الأرقام من عام1397 هـ حتى عام 23/12/1430.

تحياتي يالشاهق

ابن قطنان1

[خالد الشماسي]

المشاركة الأصلية كتبت بواسطة الشاهق

الهلال ما عنده الا الدجه

والاتحاد لو لعبو كاملين

كان يشوفون الويل

الاتحاد هو النادي الوحيد اللي يجملنل خارجيا

ووالله انه افضل من المنتخب
خل عاد نادي الهلال

هو الإتحاد ممتاز

بس مشكلته اللون الاصفر

[رنيه الأصل]

سلامات يا اللي تقول أصفر (( الأصفر(النصر) مثل بلادك في كاس العالم واللي يقول انا سعودي شجعه ,,

واللي يتغنى بفوز الهلال أحب أذكره قبل عام أعطاه الاتحاد اربعه (4) مع الشفقه وأخذ الدوري ,,

تحياتي لك يا ابو سعد (ماجد الشماسي) لأنك الوحيد اللي قال الحق ويا ابن قطنان احييك عل حسن معلوماتك ولكن العبره في النهايه لأنه لا يزال للأتحاد مباريات مؤجله

[ابن قطنان1]

رنيه الأصل اللي باقي للإتحاد مؤجله مباراتين لو فاز<<<6 نقاط
الهلال29 نقطه.<<<<المباراة الجايه الفتح.
الإتحاد18نقظه.<<<<يعني الفرق11 نقطه.

الهلال بالدوري ولا خسارة<<<<الإتحاد هزمه الشباب الإتفاق الهلال

يعني الدوري بين الهلال والهلال.

بعدين اربعه ليش تقول مع الشفقه؟؟؟!!!

بعدين الخمسه إعادة التاريخ شوي:.ومن المباريات التي لا تنسى بين الفريقين في الدوري فوز الهلال على الاتحاد في جدة 5 - 3 عام 1403
وكذلك 5 - 2 في الرياض عام 1407،


تحياتي يا رنيه الاصل


ابن قطنان1