منتدى الشعر الشعبي والنبطي ( شعراء الشبكة )قصائد نبطية شعراء قبيلة سبيع الغلباء و الخليج ، دواوين شعرية بالشعر الفصيح و العامي بأجمل الكلمات وأجزل الأبيات
بسم الله الرحمن الرحيم
أخواني الكرام في منتديات سبيع الغلباء أطرح هذه القصيدة للشاعر
والراوي المعروف ذياب بن دحيم السويدي وهي تعالج كثير من الامور
التي لا تخفاكم في كثير من المجتمعات........
هاظــت هجوسـن ما يبــيح خفاها=إلا الــثمين من المواقف والاسباب
جـتني عنود الشعر تـصفق يداها=تقول صـح النوم يا الشاعر ذيـاب
عالج أعيوني وأنت عنـدك أدواها=ألـحق عليهـا قبل لا يقفل البـاب
ويمـوت نون العـين وينـش ماها=ويلحقـك مشروهي ومن ربـك أحسـاب
اليا حـصل تقصيـر سـبب عمـاها=ولا عـاد ينفعها التطبب والاطبـاب
قلـت اشرحيلي وضعـها ويش جـاها=بـعرف سببـها قـبل يلحقني إعتـاب
اليا عرفـته زلـت عنها عـناها=والطب والـتوفيق من رب الاربـاب
قالت خـذ الاسبـاب عدل خطـاها=الشعـر شـرع فيـه جـاهل ونصـاب
قامت رعاة الضـان تدرج رحاها=تبغـى لها سمـعه وتـاريخ وأداب
قلت اخذي الجابه وردي عـلاها=هذا زمان ٍ فيه يا كثر الاعجـاب
طبيعـي الامـه تـخفـف شقـاها=التسليـه أسـاس تهديـت الاعصـاب
قالت هـذا تشجيعها لمغزاهـا=فـتحت بـاب الشعـر لطماع وأرهاب
والناس تالي وقتـها وش بـلاها=كـلاً يقول أمجـاري ذيب وأعقـاب
وأنا بطل ذيك الديار وذراها=وده يـحسن صورتـه بعـد ما شـاب
وشمس الحقيقه باقيه في سماها=تكـشف حقـايق كل مـذنب وكـذاب
لو كل من قال العلوم أحتماها=ما قيل ذا صايب وهاذاك ما صاب
ومن لا أحتفظ بـرسالتـه ما لقـاها=تـفشل جهـوده لا حصل حزم كـلأب
الناس لو تقنع بما اللـه عطاها=تـريحـوا مـن العلعـه والتقـلاب
اللي علـى صعـب الامـور يحـداها=وصبح أشعار التفرقه بين الاقراب
تـحـس بالتقصيـر فــي مستـواها=وتـشب نار الحرب من دون حـراب
تـخيل الافكــار يقلـع مـداها=راعيـه في قلبـه حريقه وظبظـاب
والخلق صعب انـك تحقق رضـاها=هـاذي حقيقـه ياعـربيـن الانسـاب
والي يميز بيعـها مـن شـراها=اكيد يـعرف مقصد الشآعـر ذيـآب
حنّا هل البل مانبدي غيرها=وحنّا خيار القوم وإنّا أيسودها
من دونها شيخان القبائل نفدها=فد الجمال الصايكات قعودها
الشاعر / باني بن مشرع العوهلي السودة سبيع رحمة الله
التعديل الأخير تم بواسطة المنتبه ; 27 - 12 - 2006 الساعة 00:18
غير متصل
قصيــــــدة تعآلـــــج معــــــآنآه الشــــــــــعر!!
