منتدى الشعر الشعبي والنبطي ( شعراء الشبكة )قصائد نبطية شعراء قبيلة سبيع الغلباء و الخليج ، دواوين شعرية بالشعر الفصيح و العامي بأجمل الكلمات وأجزل الأبيات
راسي اللي فيه من لوعة الهاجس خوا= لابغيت انسى واسليه بالفنجال صاح
كل ما لليل ابظلامه على قلبي ضوا= انتظرت ادور الحل في نور الصباح
ياخلي البال مانيب أنا ونته سوا = انت متعافي وانا خاطري كله جراح
والله ان القلب من جور الايام انكوا = مير مثلي لو شكا الظيم سده مايباح
اه مدري وين ادورمن العله دوا= الشقا يجتاحني والغرابيل اجتيــــــــــــــــاح
ليتني طيراً يرف بجناحه بالهوا= يوم فل الريش قامت تلاعبه الرياح
مايرده نازح البعد لامنه نوا = كل ما ضلقتبه الارض رفرف بالجناح
انثر العبرات وخد بالدمع ارتوا = واحسب اني بقدر الصبر لين الدمع فاح
كل ماجيت أطوي الهم الاول مانطوا= خافقي من بين الاضلاع عيا ما ستراح
لج صدري لجت الذيب لامنه عوا= يوم شاف ابعينه البدو مخلين المراح
حاجتي مابين شط الفرات أو(نينوا) = يوم خبري والمنايا مثل زرق الرماح
كان حظي بطويلة تعلا ماثوا= مايجيني من يرد العــــز الي عقب راح
صح لسانك يا حمود وصح لسان الشاعر الكبير دلمخ أبن مشعي
وهو بلا شك أستاذ للجميع وأسأل الله الذي لاإله إلا هو أن يغفر
للشهيد وأن يجمعكم به في جنة النعيم إنه القادر على ذلك سبحانه
وتعالى وأن يعوض على والديه بالابناء الصالحين الفالحين آمين يارب
العالمين لاهنت يا حمود وبلغ أخي وشقيقي الاكبر دلمخ سلامي
وصادق تحياتي .....أخوك الحميدي بن سعد أبن بلعوس السبيعي