كان الشاعر /محمد بن الذيب في دبي في استضافه اذاعه الامارات وكان الضيف المرافق له شاعر اماراتي يدعي /جراح وبعد الانتهاء من تسجيل البرنامج قام الشاعر الاماراتي بدعوه ابن الذيب للعشاء في احد مراقص دبي ولكن ابن الذيب رفض الدعوه
لأن المكان لا يتناسب مع اخلاقياته.
بعد رفض ابن الذيب الدعوه ارسل له الشاعر الاماراتي هذه الابيات
مرقص دبي اللّي له القلب يرتاح=حتى سلاطيـن الجزيـره تدلّـه
لاصار ما في شربة البن مصلاح=غرشه من الويسكي بفنجال دلّـه
وان كان يابن الذيب منته بمزاح=فانا عقدت الحبل وانتـه تحلّـه
هذي بدايـة معرفتكـم بجـراح=إما شربـت الكـاس والا فخلّـه
رد عليه ابن الذيب بقصيدة رائعة يقول فيها
ماهوب صح الله لسانـك ياجـراح=يكفـي مـن العلّـه ثلاثيـن علّـه
أنته وحكامـك هـل الكـاس لا لاح=والا سلاطيـن الجزيـره لا بـلّـه
حكام نجد اللّي ورا هضبـة رمـاح=ضلالهـم مثـل الجبـال المضلّـه
صغيرهم يلعب بكم لعـب مسبـاح=ويسـد فـاه أهـل القلـوب المغلّـه
إن مد كف الطيب ماهـوب شحـاح=والـى تعـزوا دولــةٍ مستقـلـه
مانيب أزكيهم من جـا ومـن راح=يمكن يجي في صفـة القـوم خلّـه
وان كان هرجك لي ولا انته بمزاح=يما حلا بعض الحكـي فـي محلّـه
ما نشرب إلا البن الأشقر إلى فـاح=والا حليب بكار فـي وسـط ملّـه
رجل وطموحي من ورا النجم لا لاح=أكبر من اني أشتهـر فـي المجلـه
يكفينـي مـن المعرفـه والتمـداح=إني إلى ضاقت علـي قلـت : يالله
الوضع ذا مزعجني ولا نيب مرتاح=بـروح واخلـي لـك دبـي كـلّـه
[/center][/QUOTE]
عطيب المضاريب
مشكووور والله على الابيات الجزززله لابن الذيب
الله الله هيضتني المجاراتها بعنف وقووه
وانا احس ان ابن الذيب شاعر غير عن كل الشعار
وينتابني هذا الاحساس كل ماتذكرت ابن الذيب ولا
شاهدته يلقي ويرتجل الشعررررر
وماخاب ضني به ان ماصدق
صح السانه على كل حرف
رسمه فكره ودونته
يمينه او شمااله
قد قلت لبن الذيب ولا شعره ارتاح =قالو كلامك ذا ماهو في محله
قلت الحقيقه لو طرحتوه ماطاح =وشرواه والله ثم والله قله
ياكثر من بالشعر من جا ومن راح=و لمحمد أ بـن الذيب بالشعر طله
يالله جعل سنينه افراح ومراح = مادش في قلبه من الشعر ذله
شاعر قسم بالله جزل(ن) ومصلاح = ومستوا شعره محد له وصله
لو يتعبون الفكر فاحضور الارواح =كان الزعل للهم رمحه ماسله
ومحمد ابن الذيب كبتن وملاح = ومتمكن وجزل على كل مله
من جزل شعره غرد القمري وناح = فوق الغصون الضافيات المضله
ولي ماهو شاعر وماهر وسباح =يغرق ببحر الشعر لاشك كله
ومحمد ابن الذيب لصعب نطاح =وشعريته في نظمها ماستقله
مافكر بذا الشعر في جني الارباح =وغصبا على ابو الرابحه تنتقله
عن جزل قول الشعر ماضن ينزاح =ادها دهات الشعر والنظم كله
بشرشح ابشعره عدوه تشرشاح=لين ايخضع من شعره ويمتثله
لبس بيوت الشعر تيجان ووشاح=وعلا عروش الشعر والله استحله
والشعر ماهو ياعرب باكل تفاح =ماقول غير من الزمن ذا سم الله
اسلاح من بالوقت ماعنده اسلاح= ومن لا يصوب به فلا يقول خله
واللي ماهو بالشعر فارس وجماح = ماله بجزل الشعر دين ولامله
غير متصل
