ابيات من بنات فكري اتمنى ان تحوز على اعجابكم
انا البارحه مالذلي في الفراش النوم= وعيني سهرها دايم الدوم مقلقها
تكدر منا مي والهواجيس كوم وكوم = هموم الزمان اركت عليه مطارقها
من الضيق كن الجو منه الهواء معدوم = اجر النفس كني من الضيق سارقها
عسى ماجرا تكفير ذنبٍ عن المهموم = عساها طهور النفس قدام خالقها
الا يبرق الجنحان ياللي كسرت الحوم = تمنيت لي مثلك جناحين واطلقها
ابي كل ماضاقت عليه سوات اليوم = اخللي همومي في مكاني وفارقها
ابا ارقاء على متن الهواء واخذ المقسوم = واباء اسجها من غربها لين مشرقها
وابا انسى همومٍ ساقها حضي المشؤم = لياقمت اشد ابعد سحابه وعانقها
لكن الحقايق باقيه والحلوم حلوم = همومٍ غزت قلبي عسى الله يحرقها
فراج حمود السبيعي
غير متصل
