والله مبغي يانشاما تجاره = الا معاميل تسطر على النار
تبري من الكبدالعليله مراره = وسوالف مع لابة قدلها كار
عسى صبي مايشب المناره = لاجامسايير ولاجاه خطار
على المسير مابوجهه بشاره = يرسل عليه الله بقصاف الاعمار
لاجامسايير غدابه غياره = طقه عواقيل الرخامه ولاثار
المرجله ماهيب ضحك وعياره =سندا وعاد بها مهاميه واخطار
صبيها من يحتمل للخساره = على المراجل حازم الراي صبار
عندي لكم ياهل الوفاء والنداره = نصيحة تهدا على اكبار وصغار
قوموا بدين الله ورزوا شعاره = واخشوا نهار فيه تخطيف الابصار
دنياك مرجعها الفنا والخساره = لاتامن الدنيا ترا الوقت غدار
الى صفا ليلك تكدر نهاره = من شربها صافي شرب كدر وامرار
لابد من قبر وحيش جداره = من مات يالمسكين خلي على الدار
ومحاسبين اثنين تاخذ قراره = وتساوله في ماغدابه وماسار
وان ثقل ميزانه على الخير داره = وان خف ميزانه ضرب له بشنكار
واليوم انا وصيتكم والحذاره = من يوم مامنه محاص ومطيار
احد سعيد يوم تكشف اسراره = الله رضاعنه مع الرسل الابرار
واحد كتابه ياخذه في يساره = يبكي ويصفق بالحسايف ومحتار
ماعد تقبل عندربه عذاره = جنب طريق الحق واغووه الاشرار
غير متصل
