بن دليقم يمدح سلمان الفراج

[سبيعي من الهضوب]

يـــا دحــيـــم مـرابنا على بيت سـلمان=نبـــي نمر مـــــعزب الجود يا دحيم
انــــا ليـــا غنيــــت زينـــات الالــحـان=وهـــب النسيــم وذعذعٍ المــــواليم
يجي لهــن فــي وسط صدري تـحنحان=طــــرق البيـــوت المفردات المغانيم
إللي لهـــــن فــي مـــدح سلـمان بيبان=سلمان بن فــراج مـــا فيـــة تعتيــــم
يستاهل الأمداح مانيب غلطان=سلمان في مدحه تجف المراسيم
شيــخٍ كبيــرٍ ومــن طليقيــن الأيمان=ولال العظيم ألا معـــــزة وتعظيــــم
دمث الجناب وفي المراجل كحيلان=ومحطم ٍ أرقام رووس الشغاميم
لـــه سيرتٍ يشهد بهــــا كـــل ديـــوان=مبنيتن بنين علـــــى طــــيب الخيــــم
ســيرة وفــاء علـى منـــاهج وسيســان=وعنوانها بــاب الوفـــــــا للمفاهيـــــم
يعــط العطـــايا مــا يحســــب للثمــان=لو هو على البحر الاحمر راح تقسيم
وشجع مـــن السيــف المهــند في الاكــوان=وفراص مـــاص ِ في وجيه المخاصيم
يستارث الــطولات من روس شجعان=من روس قــــوم ِ فـي المواقف مقاديم
روسٍ تروس الروس ماهيب كرعان=وسلمان بن فراج راس الـــمزاعيـــــم
مـــواقفه مـــا هـــي مواقف هديــــان=حرًٍ تسلســــل من حرارٍ صواريــــم
من جاه يلقى لـــه قبـــولاً بسفطـــــان=وجهٍ بشوشٍ لـــه معــزة وتكريــم
وبيت ِ كبيرٍ لـــه مضــوفٍ وجنحــان=وملفاً لسمحــــين الوجيـه المحاشيــــم
يذري ذراه اللي مــــن البـــرد بردان=بيت النـــداء يــــوم المواقف محاسيــم
للبن والهيـــل الخضـــر فية دخـــان=على الوجـــــار اللــى دلالـــه مخاديـــم
لا جيت تلقى لــك وناســه وســلــوان=وسوالـــفٍ تـــحيي الخواطر مطاعيـم
سلمــان انـــا جيتــك محــبٍ وشفقـان=وعليك يدفعني مـــن الشــــوق تسليـــم
جيتك على ذكرٍ كما النـور لابــــان=وكبر من الضلعان وبلـــغ من الديــم
مقصودنا نشكرك يا طــير حـوران=ولا فــــــــلابة نحمـــــد الله مهاظيـــــم
والله لا جــايع ولانيـــب ظميـــــان=ولا حــــداني من خطوب الدهر ظيــم
لاكن لبو احمد محـــــلٍ ومســـكان=في قلوبنـــا وقلوبنــــا لـــك مخاديـــــم
قدرك كبيرٍ ما يجي فيه نقصــــــان=ومخيمٍ قدرك على الروس تخيـــم
نسمع من أذكارك مع افلان وفـلان=اللـــي يجيبـــــون الخـــبر والتعاليـــــم
ونعيش في ذكرك ونذعن لك ذعان=وأنت الــذي لنا كما الغيث والغيـــــم
ونقابلك بوجيهنا وانت لك شان=وزين الكـــــلام وافيـــات المناظيـــــم
ونثني عليك بقـاف عرفٍ وعرفان=يـــا مـــن مردود الثنا فيــه تلــــزيــــم
ونبني لك البيضا على راس ما بان=من رنيه الفيحاء إلى روضة خريم
ونشكرك ماغنــا على لدن لغصان=ورق الحمام اللي يجـــر التـــرانيـــــم
على مواقيفٍ جسيمـــات وسمــان=يشهد بها من ينطق الكــــاف والميــــم
عساك ذخرٍ في عسيرات الازمان=ياللي تحـــل معقــــدات المبــــاهيـــــم
وسلم عدد ممطر من المزن ودان=ومني عليـــــك ازكى تحية وتسليــــم

[خيَّال الغلباء]

صح لسان ابن دليقم ويستاهل الشيخ / سلمان الفراج

[المحمدي رنيه]

صح الله لسانك يابن دليقم ويستاهل الشيخ سلمان الفراج

[سمح آلمحيآ]

صح السان ابن دليقم

ويستاهل سلمان بن فراج


والله لايهينكم