تكفون من يحفظها يا صقور الغلبا

[ابن عتيبه -999]

اخواني منتدى الغلبا
تحيه طيبه وبعد الحقيقه انني اعترف اني ثقيل عليكم بقلة القصائد والزيارات للمنتدى
ولكن ارجوممن يحفظ

قصيدة الشاعر الكبير وشاعر قبيلتكم
ناصر الفراعنه في الجيب كتابتها هنا وله مني خالص الامنيات

وشكرا
اخوكم ـــــــــ ابن عتيبه -999

[اخو شما]

المشكله ياعتيبي انك ماترد حتى على الاعضاء
يوم يشاركون معك في مشاركاتك
وسبق ان نبهناك الله يهديك لذلك
ارجو اخذ ذلك بالاعتبار المرات القادمه
يجب ان لايكون العضو سلبي
بل يجب ان يكون متجاوب مشارك مع اخوانه بالمنتدى
يرد عليهم ويقراء مشاركاتهم
حتى يردوا عليه بالمثل

[نديم القوافي]

خوي العزيز / ابن عتيبه -999 الله يحيك والموضوع اللي تطلبه بسيط


والاخ ناصر قصيد ته لاتحضرني الان ولاكن رايح ان شالله اسئل عنها


حسب طلبك وحياك الله يالغالي

[ابن عتيبه -999]

الشرهه على اللي يقول تكفون

وبعدين يا اخو شما والله ماباقي الا تضربني ترى على اسمه منتدى ماهو مضاربه
والمشكله انه منتدى قبلي يعني يعكس صورتكم وارجو اخذ هذا في الاعتبار


وشكرا
الهيلا

[الســـامي]

يا بن عتيبه يا مرحبا بك وابشر الشريط موجود معي وفيه اكثر من 13 قصيده لناصر منها قصيده المغرب والجيب والجمس والتوجد وقصايد ثانيه ارسلي رساله خاصه ومالك الا يجيك الشريط

[خالد الشماسي]

بسم الله الرحمن الرحيم

أخي ابن عتيبه الذي يقول انه عتيبي

أولا مرحبا بك في منتدى سبيع الغلبا

وأنت كنت تطرح مواضيع ثم يردون عليك الأخوان ولا ترد عليهم ولا تناقش كلامهم على موضوعك بخلاف العرف .

ثم أنت يبدو انك متحمس زيادة واذا كنت تريد قصائد احدا ما عليك الا زيارة التسجيلات الخاصة بالشعر وشراء الأشرطة التي تريد او ارسل لنا ونرسل لك بالبريد .

اما كنت سوف تتبع طريقك الاول فلا يناسب المنتدى ذلك الإسلوب .

[نديم القوافي]

خوي العزيز أبن عتيبه

سبق ورحبنابك ونكرر الترحيب

لاكن مايجوز أن تعم الســــبيع بقولــك

((( الشرهه على اللي يقول تكفون)))

بسبب خلا ف بينك وبين أحدى الأعضاء

أنت من قبيله نحترمها وتحترم الأخرين

على العموم الله يحييك يالغالي وفي أنتظار مشاركاتك مع أخوانك في منتدى سبيع
هاذي بيتين على هاذ الموضوع

حنا هـل الردات لا قـيل تــــــكـفا = وحنا هل الغلبا سبيع المسمين
وقت الوغـى نثني برمحٍ وشلــفا = آليا نخينا يرجحن المــــوازين
لو تدري أن تكفا لها الكدر يصفا = ما قلتها تطلب من الشعر بيتين
سلمٍ لنا لو يخطي الضيـف نرفا = ( نرفا ألحد وحطها بين قوسين )

مع تحياتي للجميع

[اخو شما]

يانديم القوافي
لايوجد بيني وبين العتيبي اي معرفه مسبقه قد تسبب سوء تفاهم
ولكن ليس من المعقول والعرف كما تفضل ابو عمر ان ينتهج العتيبي
هذا الاسلوب وكأنه ينشر في مجله شعبيه
لماذا لايرينا ردوده وشكره للمتداخلين معه

[alnadawi]

لا حوووووووووووووووووووووووول ولا قوة الا بالله

فيه موقع لقبيلة عتيبه يمكن تحصلها هنااااااااااااااااك

واذا تبي رابط التسجيل المباشر عطيتك اياه

ابو تركي فهمتني.‍

[اخو شما]

البلا وانا اخوك يالنداوي اني فاهم
مير الشكوى على الله