بعد ما عدينا الـ 1000 نحتاجها

[ابن جـــــــراح]

بعد ما عديت الـ 1000 مشاركه

وصلني مبلغ وقدره من ادارة المنتديات

وايضا اجازه لمدة 4 ايام مع تذكره ذهاب وعوده التذكره عباره عن رحله مع قروب سياحي يتكون من ثلاثة اشخاص والرحله متجهه باذن الله تعالى

الرياض <==> الصمان
الصمان <==> الرياض

على من اراد المسيار علينا هناك

الاتصال على رقم

145.425 <==== كنوود ترى

تحياتي للجميع ونستودعكم الله على امل اللقاء بكم يوم السبت القادم باذن الله

اخوكم بن جراح

[اخو شما]

الله لنا يابن جراح
ناس تعدت مشاركاتها الالف وناس توها
وناس تروح الصمان
وناس هينفجر عندها صمام من الدوام
على كل حال تروح وترجع بالسلامه ورحله موفقه

[طويق]

في أمان الله

انتبهوا من السهر

علشان تقومون للصلاة

الله يستر عليك

ترجع بالسلامة

مثل ماقال أخوشما

ناس تداوم وناس إجازات

وناس 1000 مشاركة

وناس يدفدفونها

[عيسى السبيعي]

	الأخ ابن جراح السلام عليكم ورحمة الله وبركاته مبر وك الطلوع بعد الأ لف والإجازه والتذكره بعد وش رايك انت في الذهاب وانا في العوده الله يستر عليكم وترجعون انشاءالله بالسلامه ،، تحياتي // الواسطه

[خالد الشماسي]

تروح وترجع بالسلامه


ولا تكثر في الفقع تراهم يقولون اللي يكثر منه يتزوج الثانيه


لاتنسى تأخذ الكاميرا لعلك تعطينا مثل صورة الجيب الي غاطس في السيل


اخوك ابو عمر

[البارع 2000]

الاخ العزيز ابن جراح

تروح في امان الله

وترجع بالسلامة ان شاء الله

لك تحياتي يامن له بصمة واضحة (( ناصعة البياض )) في اثراء هذا المنتدى الغالي على الجميع

منذ البداية (( وما زال الابداع )) بموضوعات في قمة التميز

موضوعات هادفة ومتحررة يغلفها اخلاق حميدة لكاتبها

كنت اخ عزيز وغالي .... وما تزال اغلى .... وستضل ابهى واغلى

لك تحياتي

.

[قاهر الظلام]

الأخ ابن جراح

الله يستر عليك يالغالي نروح وترجع بالسلامة

تقبل خالص تحياتي.

[البدر]

مبرووووووووك وعقبال 10000 مشاركة


تروح وترجع بالسلامة


والله الصمان يمدحون عشبة وانت عس الارض وعطنا العلوم .


اخوك البدر

[ابن جـــــــراح]

اخو شما لا هنت على المرور

وعادي يا ابن الحلال بكره تاخذ لك اجازه وتطلع ان شاء الله للبر
وانا خابر انك بتبطي مير تجبر بالله يا ابن الحلال

طويق

لا هنت على المرور وامنك الله من كل شر
الله يسلمك يا طويق
ولا تصير اجازاتك مثل اخو شما بعد؟؟

الواسطه

الله يسلمك طال عمرك
وبالنسبه للتذكره لا اخذت رايح وانا جاي وش لون بجيك آخذ التذكره منك
لا هنت على المرور لكن خذ التذكره كلها ذهاب وعوده

ابو عمر

الله يسلمك من كل شر
والكميره اخذتها يوم وصلت هناك خلصت البطاريه والله ما اخذت منها ولا صوره
<= = = هذا اللي ما ياخذ احتياطه

البارع 2000

امنك الله والله يسلمك من كل شر
ولك خالص تحياتي اخوي البارع
عندي عيب يا اخوي والله ما اقدر ان ارقى بكلماتي الى منتصف ما تصل اليه كلماتك فلك مني فائق التقدير والاحترام من القلب

قاهر الظلام

الله لا يهينك على المرور
ولك مني خالص تحياتي

البدر

الله يسلمك
ويالله توكل على الله الربيع زين والارض كلها ضبان ترعى من هالعشب
اخلص لا تفوتك الديره

الى الجميع تقبلوا خالص تحياتي

[المولع]

ابن جراح

يصبحك بالخير

تروح وترجع بالسلامه