القهوة العربية عند بعض شعراء الجزيرة العربية

[جعد الوبر]

أخوي / خيال الغلباء شكرا لك على مرورك الكريم والإضافة القيمة وبيض الله وجهك والله لا يهينك مع أطيب أمنياتي وخالص تحياتي .

[جعد الوبر]

أخوي / ابن قطنان شكرا لك على مرورك الكريم وبيض الله وجهك والله لا يهينك مع أطيب أمنياتي وخالص تحياتي .

[صامل الميقاف]

بسم الله الرحمن الرحيم

السلام عليكم ورحمه الله وبركاته

دئـماً ما يـتردد على ألسـنـتنا وألسنت الكــثـير أبيـات

لا نـعلم قـائلـها أو مـنـاسبـتها

ومــن تــلـك الأبيـات :-

خـمـسة عـشـر فـنـجـال لـحـنـيف صــبيـت
= لو ان بطـنـه قـربـة ً قــد ملاهــا

وحـرصٍ على تـسجـيل الأبيـات وقـصـتـها

أطــرح بيـن أيــديــكم هــذا المــوضــوع وأرجــو مـن الله أن أوفق

فـي طـرحه بـشـكل جــيــد ومـفيـد

أطــراف القـصـيدة والقـصــة :-

1- ناصر بن ابـراهـيم العـبدالـكـريـم
2-حـنيف بـن سـعيـدان المـطـيري

ودارت القـصـة في حـرمـه بـسديـر

كـان حنـيف مـقـيماً فـي حـرمـه وإن كـان كـثـير الأسـفـار والـتـرحــال

بأسباب الـوضع المـعيـشي الصـعب في ذلـك الوقـت

وفي يـوم من الأيـام

ذهـب حـنـيف لـزيارة صـديقه نـاصر

فـوجـد مـنه الـتـرحـيب

وقــدم الـقـهوة وجـلسا يـتـجذابـان أطـراف الـحـديـث

حـتـى دخـل علـيـهم الضـيوف وزاد الطـلب عـلى الـقهـوة

وحنـيف مـا زال يــرتـشف الـفـنجـال تــلو الأخــر

فـأراد نـاصــر أن يــمـازح صـديـقـه حـنـيف

وقــال :-

خـمـسة عـشـر فـنـجـال لـحـنـيف صــبيـت
= لو ان بطـنـه قـربـة ً قــد ملاهــا

فـرد حـنيف قـائـلا :-

لا تـحـسب إنـي من دلالك تـقـهويـت
= مـا تـقـنع الـشـراب مـن كـثـر مـاهـا

قال ابـن عبدالكـريم :-

يـا حـنـيف أنا فـي حـمـسـتي مـا تدانـيت
= الـدله الصــفراء نـكـثـر منــاهـا

قال حـنـيف :-

وراك مــا ســويـتها يــوم سـويــت
= مـثل العـميم اللي يـعدل ســواهــا

ابن عـقيـل اللي يـهـلي لـيـا جـيـت
= يضـحك حـجـاجـه وإن غلى مـشـراها

قال ابن عـبد الكـريـم :-

سبيتـها يـوم أنت للضـلع لـزيـت
= وضـيافتك يا حـنـيف هـذا جــزاهــا

ودلال ربـعك يوم بالزين مـاريـت
= هـم ربـعنـا قـبلك طوالٍ خـطـاهـا

قــال حـنيف :-

مانـيـتي ذمـة هل الـجود والـصيت
= الملعـبه بيـن عليـنا سـماهـا

يا موصي الـحرمـه على صـكيت البيت
= تقول ما أنته فيه وأنت وراها

فقـال ابن عبدالكـريم :-

يـا حنيف وبـحرمتك ويش أنت شسويت ؟
= يوم المـره اتعـسرت فـي ضـناها

علم الردا يظـهر ولو به تتقـيـت
= عـلم وكـاد ويشـهدون اقـصـراهـا

فضتج المـجلس بالضـحك على هذه المساجلة الطريـفة والجـميلـة

في نفس الـوقت

وبقـيا ابن عـبدالكـريم وحـنـيف صـديقين حـميميـن
حتى تـوفيــا رحمهـما الله .

وتـقــبلوا تــحــيــاتـي .

[جعد الوبر]

أخوي / صامل الميقاف شكرا لك على مرورك الكريم وبيض الله وجهك على الإضافة والله لا يهينك مع أطيب أمنياتي وخالص تحياتي .

[كليب]

جزاك الله خيرا

[عشير الغانمين]

يعطيك العافة يا جعد الوبر مواضيعك اكثر من رائعة و لا ننسا اضافات خيال الغلبا الجميلة خليتونا


نخرم للقهوة

[خيَّال الغلباء]

[طلاب القريشى]

مشاركه اّمل أن تحوز رضاكم

قصيدة القهوه للشاعر / ناصر ضيدان الزغيبى الحربى رحمه الله

سميت باسم اللى على العرش استوى
= هـو عالـمٍ بحضورهـا وغيابهـا

يسمع دبيب النمل فى ليلـة الدجـى
= وما كـان بالأرحـام ومـا يخفى بهـا

من عقب ذا شبيـت ضـونٍ بيّنـه
= بين القطـوب ولا نصـك حجابهـا

عنها رفعنا شـارع البيـت بالعمـد
= ما هـى بضـونٍ جارهـا ما درابهـا

يجذبك مجلسهـا وتوحـى نجرهـا
= ولا جاء المسيّـر يمهـا ما يهابهـا

وسويت فنجال علـى مـان صافـى
= من البن الخضـر يهتنـى شرّابهـا

حمستـهـا ابمحمـاسـةٍ شامـيـه
= على جمر عـن اللّهـب يسطابهـا

ارفـق بحمستهـا وأدارج حبّـهـا
= كنـى مـدرّج ضالـعٍ ليـن جابهـا

قبل إنها تزعـل تغـارق دموعهـا
= من حر حضو النار تفسـخ ثيابهـا

وإليا غـدت ناقـة ظفيـرى كنّهـا
= إليا نظرهـا حاضـر ٍيشقـى بـهـا

ما قلـت حرّقانـه ولا قلـت نـيّـه
= تـرى نياهـا والحـرق عيابـهـا

دقيتهـا بنجـر ٍ يـنـادى بحـسّـه
= يقنـب كمـا ذيـب ٍعـوى لذيابهـا

ولقمـت بغـداد ٍ صـدى ٍخدودهـا
= لو كان من داخـل نظيـف ٍ ربابهـا

وإليا منها فاحـت وبنّـت خيامهـا
= يشوق شـرّاب القهـاوى شرابهـا

زلّيتـهـا بالمبـهـره وادنيتـهـا
= على حاضى الملّه نحاضـى عقابهـا

ذعرتهـا بالهيـل وانسـاح بـالـى
= يشمع على الفنجال مثـل خضابهـا

إليا تذلـم مـن شفـايـا مصبّـهـا
= إليـا مثـل دم الجـوف يا صبابهـا

من عنز ريم ٍ شافت الزول وأرّقبـت
= قعـد لهـا ولـد ٍ ذريـف وصابهـا

أشقر مثل أول ما دفـق مـن دمهـا
= يومنّهـا طاحـت علـى مضّرابهـا

أظهرت مثل البيـض مـن بيزهـن
= اخفاف نظـاف ٍ ما ينوشـن ترابهـا

للقهوجى جت له على غاية المنـى
= ذريف وعلى الجالسين مشى بهـا

ومن عقب ذا تطيبـوا واستانسـوا
= بسوالـف ٍ ما يكـذب اللـى حكابهـا

هـاذى معانيهـا وهـاذى أنواعهـا
= للى إليا شرى الـدلال اعتنـى بهـا

تمت وصلى الله علـى سيـد المـلا
= عدد ما هـل المطـر مـن سحابهـا

[جعد الوبر]

أخوي / كليب عامر شكرا لك على مرورك الكريم وبيض الله وجهك على الإضافة ولا هنت مع أطيب أمنياتي وخالص تحياتي .

[جعد الوبر]

أخوي / عشير الغانمين شكرا لك على مرورك الكريم وبيض الله وجهك على الإضافة ولا هنت مع أطيب أمنياتي وخالص تحياتي .