ابو يزيد الوسيمه عندك

[مصلح ربح]

الاخ العزيز ابو يزيد
الوسيمه عندك طال عمرك
اختر الوقت المناسب وابداء

[أبو يزيد]

مرحبا......ومسهلا
يامصلح

هذا ماهوب وقت محاوره لكن مافيه مانع ناخذ معك طاروق مع الضحويه

استلم لاهنت......

سلام تسليمتاااا ترقى سنـــــــود= واللي مايرقى سنـــود تحــــدره
مصلح لفانا وبذبحله قعــــــــود= والشيخ مثله لـــزوم نقـــــــــــــدره

[مصلح ربح]

حياك من هاجس(ن) يرو الورود= واللي ما يشرب قراح يصدره
يا شيخ معروف ما عليك زود=ومواقفك للوفا متصدره

عذراً عن التاخير يا بو يزيد
حيث حصل لدي ظرف بسيط ولااستطعت افتح الجهاز
خذ راحتك واختر الوقت المناسب

[أبو يزيد]

أرحب يامصلح

ماابطى من جاء واستلم لاهنت.......

برشحك قائد ســـلاح الحـــدود= وكل متســــلل نبيك تودره
ناس يامصلح يغثون الكبــــود= والبال من جــــاه منهم كـــدره

[ربح السبيعي]

صح لسانك يابويزيد وصح لسان ابو صامل


واصلو وانا متابعين

[مصلح ربح]

ابشر بعزك بساعات الصمود=اللي بتا مر عليه نخدره
بعض البشر من على عاد وثمود=ابيوتها با الضلام مغدره

[أبو يزيد]

بغداد والقدس فــ يديـــن اليهــــود=وامة محمد هناك مندره
والبنت تفزع وفي يدها عمـــــــود= وشعيل فادر وش اللي فدره

[مصلح ربح]

هاذي حقيقه وخلق الله شهود=حقايق(ن) للعباد مقدره
المشكله صار عرين الاسود= مافيه كود القطا والحندره

[أبو يزيد]

عطني يامصلح من الكبريت عــــــود= لحي المصافــــي وحي الكنـــــدره
يقضي على الفين راس من الهنـــــود= والفين راســاااا تكــــرن مجـــــــدره

[أبو يزيد]

اخوي

الغالي

مصلح بن ربح

بيض الله وجهك ولاهنت
اسعدتني وشرفتني بااللعب معك........ تقبل خالص التحايا

ولنا لقاءت قادمه على خير ومحبه.